ຕອນບ່າຍວັນທີ 7 ກໍລະກົດນີ້ຕາມເວລາທ້ອງຖິ່ນ, ກອງປະຊຸມຄະນະກຳມະການມໍລະດົກໂລກ ອົງການອຸຍເນັສໂກ ສະຫະປະຊາຊາດ ຄັ້ງທີ 41 ທີ່ຈັດຂຶ້ນຢູ່ເມືອງຄຣາຄົຟ ປະເທດໂປໂລຍ ໄດ້ພິຈາລະນາແລະຮັບຮອງເອົາເຂດເຂີເຂີຊີລີ ຢູ່ແຂວງຊິງໄຫ ສປ ຈີນ ເຂົ້າໃນ "ບັນຊີລາຍຊື່ມໍລະດົກໂລກ". ຈາກນັ້ນ, ເຂດດັ່ງກ່າວກໍກາຍເປັນມໍລະດົກໂລກແຫ່ງທີ 51 ຂອງຈີນ ທັງເປັນມໍລະດົກທຳມະຊາດໂລກຢູ່ຈີນທີ່ກວມເນື້ອທີ່ກວ້າງທີ່ສຸດ, ລະດັບໜ້ານ້ຳທະເລສະເລ່ຍສູງທີ່ສຸດ, ມີໜອງຫຼາຍທີ່ສຸດ ແລະ ມີສັດລ້ຽງລູກດ້ວຍນົມຂະໜາດໃຫຍ່ອົບພະຍົບທຸກໆປີເປັນຈຳນວນຫຼວງຫຼາຍ.
ປັດຈຸບັນ, ຈີນໄດ້ກາຍເປັນໜຶ່ງໃນບັນດາປະເທດທີ່ມີຈຳນວນມໍລະດົກໂລກເພີ່ມຂຶ້ນໄວກວ່າໝູ່ໃນໂລກ. ຂະນະທີ່ເຂດເຂີເຂີຊີລີເຂົ້າເປັນມໍລະດົກໂລກ ກໍມີຄວາມໝາຍສຳຄັນໃນການຊຸກຍູ້ການກໍ່ສ້າງນິເວດອາລະຍະທຳ, ການອະນຸລັກຊັບພະຍາກອນນິເວດ ແລະ ສ້າງຄວາມຊື່ສຽງຂອງແຂວງຊິງໄຫໃນສາກົນ, ພ້ອມທັງເພີ່ມທະວີການອະນຸລັກຊັບພະຍາກອນທຳມະຊາດຢູ່ເຂດພູພຽງຊິງໄຫ-ຕິເບດ ແລະອື່ນໆ.
