ໃນໄລຍະກອງປະຊຸມສຸດຍອດ G20 ແຮມເບີກ, ທ່ານໂດນັນ ທຣຳ ປະທານາທິບໍດີອາເມລິກາ, ທ່ານມູນແຈອິນ ປະທານາທິບໍດີສ.ເກົາຫຼີ ແລະ ທ່ານຊິນໂຈ ອາແບະ ນາຍົກລັດຖະມົນຕີຍີ່ປຸ່ນໄດ້ພົບປະກັນທັງອອກຖະແຫຼງການຮ່ວມຕໍ່ບັນຫານິວເຄຼຍແຫຼມເກົາຫຼີໃນວັນທີ 6 ກໍລະກົດນີ້, ໂດຍປະນາມສປປເກົາຫຼີທົດລອງຍິງລູກສອນໄຟນຳວິຖີໃນວັນທີ 4 ກໍລະກົດນີ້.
ຖະແຫຼງການລະບຸວ່າ, ຜູ້ນຳ 3 ປະເທດເນັ້ນຄວາມສຳຄັນການຮ່ວມມືແກ້ໄຂບັນຫານິວເຄຼຍແຫຼມເກົາຫຼີ, ກ່າວຢ້ຳການບັນລຸເປົ້າໝາຍຮ່ວມທີ່ປອດນິວເຄຼຍຢູ່ແຫຼມເກົາຫຼີດ້ວຍສັນຕິວິທີ.
ຖະແຫຼງການຍັງລະບຸອີກວ່າ, ຜູ້ນຳ 3 ປະເທດຕົກລົງຮຽກຮ້ອງໃຫ້ສະພາຄວາມໝັ້ນຄົງອົງການສະຫະປະຊາຊາດໃຊ້ມາດຕະການໃໝ່ເພື່ອຂວ້ຳບາດຕໍ່ສປປເກົາຫຼີ, ພ້ອມທັງຮຽກຮ້ອງໃຫ້ປະຊາຄົມໂລກປະຕິບັດມະຕິທີ່ກ່ຽວຂ້ອງຂອງສະພາຄວາມໝັ້ນຄົງຢ່າງວ່ອງໄວ ແລະ ເຖິງຖອງ, ແລະຫຼຸດການໄປມາຫາສູ່ດ້ານເສດຖະກິດກັບສປປເກົາຫຼີ.