ໃນກອງປະຊຸມຄະນະກຳມະການມໍລະດົກໂລກຂອງອົງການ UNESCO ສະຫະປະຊາຊາດ ຫຼື ກອງປະຊຸມມໍລະດົກໂລກຄັ້ງທີ 41 ທີ່ຈັດຂຶ້ນຢູ່ນະຄອນຄຣາຄົຟຂອງໂປໂລຍໃນວັນທີ 8 ກໍລະກົດນີ້, ເກາະກູລ້າງອີຂອງແຂວງຟູຈ້ຽນຈີນໄດ້ຮັບການອະນຸມັດຈັດເຂົ້າໃນບັນຊີມໍລະດົກໂລກຢ່າງເປັນທາງການ.
ຄະນະບໍລິຫານງານຮ່ອງຮອຍບູຮານນະສະຖານສາກົນເຫັນວ່າ, ເກາະກູລ້າງອີໄດ້ສະແດງໃຫ້ເຫັນເຖິງຄ່ານິຍົມຫຼາຍຢ່າງໃນໄລຍະຕົ້ນແຫ່ງໂລກາພິວັດຂອງອາຊີທີ່ກະທົບຕໍ່ກັນແລະເຊື່ອມໂຍງເຂົ້າກັນ, ເອກະລັກພິເສດແລະສະຕາຍຂອງສິ່ງກໍ່ສ້າງຢູ່ເທິງເກາະໄດ້ສະແດງໃຫ້ເຫັນເຖິງການເຊື່ອມໂຍງເຂົ້າກັນຂອງຈີນ, ອາຊີອາຄະເນແລະເອີລົບໃນດ້ານສິ່ງກໍ່ສ້າງ, ມູນເຊື້ອແລະຄ່ານິຍົມດ້ານວັດທະນະທຳ. ການເຊື່ອມໂຍງເຂົ້າກັນດັ່ງກ່າວນີ້ໄດ້ຮັບຜົນປະໂຫຍດຈາກຄວາມຫຼາກຫຼາຍຂອງຄົນຕ່າງປະເທດແລະຄົນຈີນຕ່າງດ້າວທີ່ກັບມາແຕ່ຕ່າງປະເທດທີ່ດຳລົງຊີວິດຢູ່ເທິງເກາະ, ແລະການເຊື່ອມໂຍງດັ່ງກ່າວນີ້ໄດ້ຈໍ່ຕົວຂຶ້ນເປັນສະຕາຍສິ່ງກໍ່ສ້າງໃໝ່ອ່ຽງ ນັ້ນກໍ່ຄື ສະຕາຍເມືອງເຊ້ຍເມີນ. ສະຕາຍນີ້ບໍ່ພຽງແຕ່ພັດທະນາຢູ່ເກາະກູລ້າງອີ ຍັງໄດ້ສົ່ງຜົນສະທ້ອນໄປແຄມທະເລແລະເຂດທີ່ກວ້າງໄກຢູ່ອາຊີອາຄະເນ.