ວັນທີ 8 ກໍລະກົດນີ້, ທະຫານປາກິສະຖານແລະອິນເດຍໄດ້ເກີດການປະທະກັນຢູ່ເຂດກາສເມຍ, ຂະນະທີ່ສອງຝ່າຍຕ່າງກໍກ່າວປະນາມໂດຍອ້າງຝ່າຍກົງກັນຂ້າມຍິງໃສ່ຝ່າຍຕົວເອງກ່ອນສົ່ງຜົນເຮັດໃຫ້ມີຜູ້ບາດເຈັບແລະເສຍຊີວິດ.
ເຈົ້າໜ້າທີ່ກົມຖະແຫຼງຂ່າວ 3 ກອງທັບປາກິສະຖານອອກຖະແຫຼງການສະບັບໜຶ່ງໃນມື້ດຽວກັນວ່າ, ທະຫານອິນເດຍໄດ້ໃຊ້ອາວຸດຕ່າງໆແລະປືນຄົກເປັນຕົ້ນຍິງໃສ່ເຂດທີ່ປາກິສະຖານຄຸ້ມຄອງ ຢ່າງບໍ່ມີເຫດຜົນ, ເຮັດໃຫ້ປະຊາຊົນປະເທດຕົນເສຍຊີວິດ 2 ຄົນແລະ 3 ຄົນບາດເຈັບ. ຂະນະທີ່ທະຫານປະເທດຕົນກໍໄດ້ຕອບໂຕ້ຄືນຢ່າງທັນການ.
ສ່ວນທ່ານມານີດ ເມທາ ໂຄສົກກະຊວງປ້ອງກັນປະເທດອິນເດຍພັດກ່າວວ່າ, ຕອນເຊົ້າມື້ດຽວກັນ, ທະຫານປາກິສະຖານໄດ້ຍິງໃສ່ເຂດກາສເມຍທີ່ເປັນເຂດຄຸ້ມຄອງຂອງຕົນສົ່ງຜົນເຮັດໃຫ້ທະຫານອິນເດຍຕ້ອງຕອບໂຕ້ຄືນ.
ສື່ມວນຊົນອິນເດຍລາຍງານວ່າ, ຕອນເຊົ້າມື້ດຽວກັນ, ທະຫານປາກິສະຖານຍິງປືນຄົກໜັກໃສ່ປ້ອມຍາມແລະບ້ານຢູ່ເຂດກາສເມຍທີ່ອິນເດຍຄຸ້ມຄອງ, ເຮັດໃຫ້ທະຫານອິນເດຍພ້ອມພັນລະຍາເສຍຊີວິດ.