"ຊຸດອົບຮົມຄູສອນພາສາຈີນຢູ່ກຳປູເຈຍ" ໄດ້ຈັດຂຶ້ນຢູ່ນະຄອນຫຼວງພະນົມເປັນໃນວັນທີ 8 ກໍລະກົດນີ້ ໂດຍຄູສອນພາສາຈີນຊາວກຳປູເຈຍ 100 ກວ່າຄົນຈາກໂຮງຮຽນສອນພາສາຈີນຫຼາຍແຫ່ງທົ່ວປະເທດຈະໄດ້ຮັບການຍົກລະດັບເປັນເວລາ 2 ວັນ.
ທ່ານໄຊ້ເວີຍຮວາ ຮອງຫົວໜ້າພະແນກມູນນິທິການສຶກສາວັດທະນະທຳ ສະມາຄົມຈີນກຳປູເຈຍ ກ່າວວ່າ: ຫຼັງການອົບຮົມ ຈະສາມາດຍົກລະດັບຄວາມຮູ້ພາສາຈີນແລະການສິດສອນຂອງບັນດາສຳມະນາກອນ ແລະມີຜົນດີຕໍ່ການສອນພາສາຈີນຂອງຄູ.
ທ່ານໄຊ້ເວີຍຮວາ ກ່າວຕື່ມວ່າ: ນັບແຕ່ສ້າງຕັ້ງສະມາຄົມຈີນກຳປູເຈຍເປັນຕົ້ນມາ ກໍໄດ້ຖືເອົາການພັດທະນາການສຶກສາແລະເຜີຍແຜ່ວັດທະນະທຳຈີນເປັນໜ້າທີ່ຂອງຕົນ ໂດຍມີນັກຮຽນທີ່ຮູ້ພາສາຈີນທັງຮູ້ພາສາກຳປູເຈຍຈົບຈາກໂຮງຮຽນສອນພາສາຈີນເປັນຈຳນວນຫຼາຍ ແລະກາຍເປັນຂົວ, ເປັນສາຍພານແຫ່ງການແລກປ່ຽນແລະຮ່ວມມືໃນຂົງເຂດຕ່າງໆລະຫວ່າງກຳປູເຈຍ-ຈີນ.
