ເຈົ້າໜ້າທີ່ດັບເພີງມຽນມາເປີຍເຜີຍໃນວັນທີ 7 ກໍລະກົດນີ້ວ່າ, ທາງຫຼວງທັນໄອເຊິ່ງເປັນທາງຫຼວງສຳຄັນໃນນະຄອນຢາງກຸ້ງເຊິ່ງເປັນເມືອງໃຫຍ່ທີ່ສຸດຂອງມຽນມາໄດ້ເກີດເຫດລົດເມສອງຄັນຕຳກັນ, ສົ່ງຜົນເຮັດໃຫ້ຢ່າງໜ້ອຍມີ 6 ຄົນເສຍຊີວິດແລະບາດເຈັບ 40 ກວ່າຄົນ.
ຜູ້ຮັບຜິດຊອບພະແນກດັບເພີງເປີດເຜີຍວ່າ, ປັດຈຸບັນພວມເກັບກຳຈຳນວນຜູ້ບາດເຈັບ, ຂະນະດຽວກັນກໍແຈ້ງວ່າ, ເນື່ອງຈາກຄົນເຈັບຈຳນວນໜຶ່ງເຈັບສາຫັດ, ຈຳນວນຜູ້ເສຍຊີວິດອາດຈະເພີ່ມຂຶ້ນຕື່ມອີກ.
ຫຼັງເກີດອຸບັດເຫດ, ລົດດັບເພີງແລະລົດໂຮງໝໍຫຼາຍຄັນໄດ້ໄປຈຸດເກີດເຫດ, ຂະນະທີ່ເຈົ້າໜ້າທີ່ກ່ຽວຂ້ອງພວມສືບສວນເຫດຂອງເກີດອຸບັດເຫດທີ່ຮຸນແຮງຄັ້ງນີ້.