ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນເປີດເຜີຍໃນວັນທີ 7 ກໍລະກົດນີ້ວ່າ, ແຜ່ນດິນໄຫວຂັ້ນ 6,5 ລິກເຕີທີ່ເກີດຂຶ້ນຢູ່ພາກກາງໃນວັນທີ 6 ກໍລະກົດນີ້ໄດ້ເຮັດໃຫ້ມີຜູ້ເສຍຊີວິດ 2 ຄົນ ແລະບາດເຈັບ 72 ຄົນ.
ເຈົ້າໜ້າທີ່ເກາະໄລເຕທີ່ເປັນສູນກາງຂອງແຜ່ນດິນໄຫວແຈ້ງວ່າ, ແຜ່ນດິນໄຫວໄດ້ເຮັດໃຫ້ເຮືອນຊານເປັນຈຳນວນຫຼາຍເປ່ເພ, ທາງຫຼວງແລະທາງແລ່ນສະໜາມບິນຖືກຕັດຂາດ. ປັດຈຸບັນ, ໂຮງຮຽນຢູ່ເກາະໄລເຕໄດ້ຢຸດການຮຽນທັງໝົດ ຂະນະດຽວກັນກໍໄດ້ຍົກເວັ້ນຖ້ຽວບິນມາສູ່ເກາະດັ່ງກ່າວ. ສ່ວນຫຼາຍເຂດພາກກາງຟີລິບປີນ ເປັນຕົ້ນເກາະໂບໂຮນ, ເກາະໄລເຕ ແລະເກາະຊາມາ ໄຟຟ້າມອດເຊັ່ນດຽວກັນ.