ຕາມຂ່າວ CRI: ກຸ່ມ BP ເຊິ່ງເປັນບໍລິສັດພະລັງງານໃຫຍ່ທີ່ສຸດໃນໂລກ ໄດ້ເປີດເຜີຍ "ສະຖິຕິພະລັງງານໂລກ BP" ສະບັບຫຼ້າສຸດຢູ່ນະຄອນຊຽງໄຮ ໂດຍສະແດງໃຫ້ເຫັນວ່າ, ໄຟຟ້າທີ່ຜະລິດດ້ວຍພະລັງງານໝູນວຽນ (ບໍ່ລວມທັງໄຟຟ້ານ້ຳຕົກ) ໃນທົ່ວໂລກປີຜ່ານມາ ໄດ້ເພີ່ມຂຶ້ນ 14,1% ເມື່ອທຽບໃສ່ປີ 2015 ເຊິ່ງເປັນການເພີ່ມຂຶ້ນຫຼາຍທີ່ສຸດນັບແຕ່ເກັບກຳເປັນຕົ້ນມາ, ໃນນີ້, ຈີນໄດ້ລື່ນອາເມລິກາ ແລະກາຍເປັນປະເທດ ຜະລິດພະລັງງານໝູນວຽນຂໃຫຍ່ທີ່ສຸດຂອງໂລກ.
ທ່ານ ສະເປັນເຊີ ແດເລ ຫົວໜ້ານັກເສດຖະສາດຂອງ ກຸ່ມ BP ກ່າວວ່າ, ຈີນພວມນຳພາການພັດທະນາພະລັງງານໝູນວຽນຂອງໂລກກ້າວກະໂດດໄວຂຶ້ນ ໂດຍສາມາດຜະລິດໄດ້ກວມອັດຕາສ່ວນເຖິງ 40% ຂອງພະລັງງານໝູນວຽນໃນໂລກເຊິ່ງເພີ່ມຂຶ້ນໃນປີຜ່ານມາ ແລະຫຼາຍກວ່າການເພີ່ມຂຶ້ນຂອງອົງການຮ່ວມມືເສດຖະກິດ. ຂະນະດຽວກັນ, ມາຮອດທ້າຍປີຜ່ານມາ,ຈີນຂຶ້ນມາຄອງອັນດັບໜຶ່ງຂອງໂລກໃນຄວາມສາມາດການຜະລິດໄຟຟ້າດ້ວຍພະລັງງານລົມແລະແສງຕາເວັນ.
ທ່ານ ສະເປັນເຊີ ແດເລ ກ່າວຕື່ມວ່າ, ສາມປີຜ່ານມາ, ຈີນໄດ້ເປັນສ່ວນສຳຄັນຕໍ່ການລະບາຍກາກບອນດີອັອກຊິດໃນໂລກເກືອບເວົ້າໄດ້ວ່າບໍ່ມີການເພີ່ມຂຶ້ນແຕ່ຢ່າງໃດ.