ໂຮງງານທີ່ບໍລິສັດລົດຍົນຊ້າງຊີ້ທົ່ງໂຢ້ງອູລິງຈີນຈຳກັດ(SGMW)ລົງທຶນກໍ່ສ້າງຢູ່ແຂວງຈາວາຕາເວັນຕົກປະເທດອິນໂດເນເຊຍໄດ້ເລີ່ມຜະລິດຢ່າງເປັນທາງການໃນວັນທີ 11 ກໍລະກົດນີ້ ໂດຍທ່ານ ຈູຊູຟ ຄາລາ ຮອງປະທານາທິບໍດີອິນໂດເນເຊຍໃຫ້ກຽດເຂົ້າຮ່ວມ.
ລົດຍົນທີ່ໂຮງງານດັ່ງກ່າວຈະຜະລິດອອກກ່ອນອື່ນນັ້ນຕ້ອງສາມາດຕອບສະໜອງຄວາມຕ້ອງການຂອງຕະຫຼາດອິນໂດເນເຊຍ ເຊິ່ງໃນອະນາຄົດຈະກາຍເປັນສູນສົ່ງອອກໄປສູ່ປະເທດອື່ນໆໃນອາຊຽນ. ຂະນະທີ່ລົດຍົນທີ່ໂຮງງານດັ່ງກ່າວຜະລິດອອກຮຸ່ນທຳອິດສອດຄ່ອງກັບສະພາບແວດລ້ອມໂຕຈິງຢູ່ປະເທດກ້າວເຖິງ 56% ແລະຈະເລີ່ມຈຳໜ່າຍໃນໄຕມາດທີ 3 ປີນີ້.
ທ່ານ ຄາລາ ກ່າວໃນພິທີວ່າ: ອຸດສາຫະກຳລົດຍົນສາມາດຊຸກຍູ້ການພັດທະນາຂອງຫຼາຍຮ້ອຍຂະແໜງການ, ມີຄວາມໝາຍສຳຄັນໃຫຍ່ຫຼວງຕໍ່ການເຕີບໂຕທາງເສດຖະກິດແລະຄວາມກ້າວໜ້າທາງສັງຄົມຂອງອິນໂດເນເຊຍ. ນອກຈາກສ້າງວຽກເຮັດງານທຳໄດ້ເປັນຈຳນວນຫຼາຍແລ້ວ, ບໍລິສັດດັ່ງກ່າວຍັງສາມາດຜະລິດຕອບສະໜອງຄວາມຕ້ອງການການໃຊ້ລົດຂອງປະຊາຊົນອິນໂດເນເຊຍຕື່ມອີກ. ຫວັງວ່າໃນອະນາຄົດໂຮງງານດັ່ງກ່າວສາມາດໃຊ້ເຄື່ອງອາໄຫຼ່ແລະກຳມະກອນປະເທດຕົນໃຫ້ຫຼາຍກວ່າເກົ່າ ທັງຮ່ວມກັບອິນໂດເນເຊຍສຸມໃສ່ການພັດທະນາໃຫ້ຂະຫຍາຍຕົວເລື້ອຍໆ.
 |
