ສື່ຕ່າງປະເທດລາຍງານໃນວັນທີ 12 ກໍລະກົດນີ້ວ່າ, ເຄື່ອງວັດແທກດາວພະຫັດ "ຈູໂນ" ຂອງກົມການບິນອະວະກາດອາເມລິກາໄດ້ບິນຜ່ານແຖບ "ເມກແດງ" ທີ່ມີເອກະລັກພິເສດຂອງດາວດັ່ງກ່າວເປັນຄັ້ງທຳອິດໃນຕອນຄ່ຳວັນທີ 10 ກໍລະກົດນີ້ ແລະຖືເປັນຄັ້ງປະຫວັດສາດທີ່ສາມາດວັດແທກຢູ່ໄລຍະໃກ້ ເຊິ່ງມັນຈະສາມາດເປີດຄວາມເລິກລັບຂອງເມກຂະໜາດໃຫຍ່ທີ່ມີເສັ້ນຜ່ານສູນກາງເຖິງ 1 ໝື່ນ 6 ພັນກິໂລແມັດ. ຂ່າວແຈ້ງຕື່ມວ່າ, ນີ້ເປັນຄັ້ງທຳອິດທີ່ມີເຄື່ອງວັດແທກບິນຜ່ານເມກແດງຂອງດາວພະຫັດ ແລະຂໍ້ມູນຕ່າງໆ ເປັນຕົ້ນຮູບພາບຈະສົ່ງກັບຄືນເຖິງໂລກໄວສຸດໃນວັນທີ 14 ກໍລະກົດນີ້.
