ທ່ານ ຟາທິດ ບີໂຣ ຜູ້ອຳນວຍການບໍລິຫານອົງການພະລັງງານສາກົນ ກ່າວໃນໂອກາດເຂົ້າຮ່ວມກອງປະຊຸມນ້ຳມັນເຊື້ອໄຟໂລກຄັ້ງທີ 22 ຢູ່ອິສຕານບູນໃນວັນທີ 11 ກໍລະກົດນີ້ວ່າ, ໃນຖານະເປັນປະເທດນຳໜ້າໃນການຄົ້ນຄວ້າພະລັງງານ, ຈີນໄດ້ເສີມຂະຫຍາຍບົດບາດນຳພາອີກເທື່ອໜຶ່ງຜ່ານການທົດລອງຂຸດຄົ້ນນ້ຳກ້ອນເຊື້ອໄຟ.
ນ້ຳກ້ອນເຊື້ອໄຟ ຫຼືນ້ຳກ້ອນທີ່ໄໝ້ໄດ້ ເປັນວັດຖຸເຊື້ອໄຟອາຍແກັສທຳມະຊາດກັບນ້ຳ ໂດຍມັນມີຈຸດພິເສດຄືດັດຊະນີການໄໝ້ສູງ, ມີສິ່ງມົນລະພິດໜ້ອຍ ແລະມີປະລິມານສະສົມຢ່າງຫຼາຍ ແລະຈາກນີ້ ບັນດາປະເທດໃນໂລກຈຶ່ງເຊື່ອວ່າອາດຈະເຂົ້າມາແທນນ້ຳມັນເຊື້ອໄຟແລະອາຍແກັສທຳມະຊາດທາງຍຸດທະສາດໃນອະນາຄົດ.
ວັນທີ 9 ກໍລະກົດນີ້, ຈີນປະສົບຜົນສຳເລັດແລະບັນລຸເປົ້າໝາຍໃນໂຄງການທົດລອງຂຸດຄົ້ນນ້ຳກ້ອນເຊື້ອໄຟຢູ່ທະເລຈີນໃຕ້ຢ່າງຮອບດ້ານ ເຊິ່ງເປັນຄັ້ງທຳອິດຂອງຈີນ ກໍຄືຂອງໂລກ ທີ່ຂຸດຄົ້ນນ້ຳກ້ອນເຊື້ອໄຟທີ່ມີປະລິມານສະສົມຫຼາຍກວ່າ 90% ຂອງໂລກ ແລະເຖິງວ່າປະສົບຄວາມຫຍຸ້ງຍາກທີ່ສຸດໃນການຂຸດຄົ້ນ, ແຕ່ທຸກຢ່າງກໍປອດໄພໄປດ້ວຍດີ.