ຕະຫຼາດຄ້າຂາຍການຂົນສົ່ງທາງທະເລຊຽງໄຮຈີນ ໄດ້ເປີດເຜີຍຕົວເລກດັດຊະນີການເດີນເຮືອແລະການຄ້າ "ໜຶ່ງແລວທາງໜຶ່ງເສັ້ນທາງ" ຢ່າງເປັນທາງການຢູ່ນະຄອນຊຽງໄຮໃນວັນທີ 11 ກໍລະກົດນີ້.
ເພື່ອສະແດງໃຫ້ເຫັນໝາກຜົນຂອງການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ຢ່າງຮອບດ້ານແລະທັນການ ໂດຍສະເພາະຜົນແຫ່ງການພັດທະນາການຄ້າແລະການຂົນສົ່ງ, ຕະຫຼາດຄ້າຂາຍການຂົນສົ່ງທາງທະເລຊຽງໄຮ ໄດ້ຄົ້ນຄວ້າແລະທົດລອງເປີດເຜີຍດັດຊະນີດັ່ງກ່າວຕໍ່ພາຍນອກໃນປີ 2015 ພາຍໃຕ້ການຊີ້ນຳຂອງກະຊວງຄົມມະນາຄົມຂົນສົ່ງຈີນແລະຫ້ອງການໜ່ວຍງານຊຸກຍູ້ "ໜຶ່ງແລວທາງໜຶ່ງເສັ້ນທາງ" ຊຽງໄຮ.
ເຈົ້າໜ້າທີ່ຕະຫຼາດຄ້າຂາຍການຂົນສົ່ງທາງທະເລຊຽງໄຮ ກ່າວວ່າ, ດັດຊະນີການເດີນເຮືອແລະການຄ້າ "ໜຶ່ງແລວທາງໜຶ່ງເສັ້ນທາງ" ບໍ່ພຽງແຕ່ສ່ອງແສງໃຫ້ເຫັນສະພາບການພັດທະນາການຄ້າເທົ່ານັ້ນ, ແຕ່ຍັງສ່ອງແສງໃຫ້ເຫັນເຖິງການປ່ຽນແປງແລະການພົວພັນລະຫວ່າງມູນຄ່າການຄ້າ, ປະລິມານການຂົ່ນສົ່ງ ແລະລາຄາຂົນສົ່ງໂດຍກົງ; ຂະນະດຽວກັນ ນອກຈາກບໍ່ພຽງແຕ່ສາມາດເສີມຂະຫຍາຍທ່າແຮງຂອງນະຄອນຊຽງໄຮທີ່ເປັນໃຈກາງຂອງການຂົນສົ່ງທາງທະເລແລະການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ເທົ່ານັ້ນ, ຫາກຍັງສາມາດສ່ອງແສງໃຫ້ເຫັນເຖິງໝາກຜົນຂອງການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຢ່າງຮອບດ້ານໃນລະດັບຊາດ.