ທ່ານອູເຈີ່ນ ຮອງຫົວໜ້າກົມຕິດຕາມຄຸ້ມຄອງອາຫານແລະຢາແຫ່ງຊາດຈີນ ໄດ້ຢືນຢັນໃນພິທີເປີດການສຳມະນາການຄຸ້ມຄອງຄຸນນະພາບຢາຂອງປະເທດພວມພັດທະນາປີ 2017 ທີ່ຈັດຂຶ້ນໃນວັນທີ 12 ກໍລະກົດນີ້ວ່າ: ຫຼັງພັດທະນາມາເປັນເວລາຫຼາຍປີ ແລະ ປັດຈຸບັນ, ຈີນໄດ້ກາຍເປັນປະເທດສົ່ງອອກວັດຖຸດິບຜະລິດຢາໃຫຍ່ອັນດັບໜຶ່ງ ແລະ ເປັນຕະຫຼາດບໍລິໂພກຢາໃຫຍ່ອັນດັບສອງຂອງໂລກແລ້ວ.
ປັດຈຸບັນ, ຈີນມີວິສາຫະກິດຜະລິດວັດຖຸດິບ ແລະ ຢາ ເກືອບ 5.000 ແຫ່ງ, ຂະນະທີ່ຂະແໜງການຜະລິດຢາສາມາດສ້າງລາຍຮັບໄດ້ກວ່າ 2.500 ຕື້ຢວນ ແລະ ມີຜົນກຳໄລກວ່າ 270 ຕື້ຢວນ ກາຍເປັນໜຶ່ງໃນບໍ່ເທົ່າໃດຂະແໜງການທີ່ຈັງຫວະການເຕີບໂຕສູງກວ່າການເຕີບໂຕຂອງ GDP; ໃນນີ້ມີວິສາຫະກິດຜະລິດຢາເກືອບ 50 ແຫ່ງໄດ້ຮັບໃບຢັ້ງຢືນ ຫຼື ຜ່ານການກວດກາຂອງເອີຣົບແລະອາເມລິກາ, ບັນລຸມູນຄ່າການສົ່ງອອກຜະລິດຕະພັນຢາເຖິງ 13 ຕື້ 500 ລ້ານໂດລາສະຫະລັດ. ທ່ານອູເຈີ່ນ ກ່າວຕື່ມວ່າ: ອຸດສາຫະກຳຜະລິດຢາຂອງຈີນ ສາມາດສະໜອງຢາທີ່ປອດໄພແລະເຊື່ອຖືໄດ້ໃຫ້ແກ່ປະເທດອື່ນໃນໂລກ.