ທ່ານ ຫວງຕ້ານຽນ ເປັນນັກວິທະຍາສາດຍຸດທະສາດທີ່ມີຊື່ສຽງໃນໂລກ ໂດຍເມື່ອປີ 1982, ທ່ານໄດ້ໄປຮຽນຢູ່ອັງກິດ ແລະ ກ່ອນຈະເດີນທາງທ່ານ ໄດ້ເວົ້າຕໍ່ອາຈານຂອງຕົນວ່າ: "ນ້ອງຈະກັບຄືນປະເທດຢ່າງແນ່ນອນ". ຕະຫຼອດໄລຍະ 18 ປີຢູ່ອັງກິດ, ທ່ານເຄີຍພັກໃນເຮືອນສວນດອກໄມ້ຂ້າງມະຫາວິທະຍາໄລແຄ໊ມບຣິສ Cambridge ຂະນະທີ່ພັນລະຍາຂອງເພິ່ນໄດ້ເປີດຄລີນິກສອງແຫ່ງແລະຖືວ່າເປັນຜູ້ປະສົບຜົນສຳເລັດສູງສຸດໃນຊີວິດ.
ປີ 2009, ທ່ານ ຫວງຕ້ານຽນ ໄດ້ຕົກລົງຈະກັບຄືນປະເທດຕົນໃນຖານະເປັນຜູ້ຊ່ຽວຊານຮັບຈ້າງພິເສດຕາມ "ແຜນການພັນຄົນ" ຂອງປະເທດ,ຈຶ່ງໄດ້ໄປເປັນສາດສະດາຈານຢູ່ມະຫາວິທະຍາໄລຈີລິນທີ່ເປັນມະຫາວິທະຍາໄລແມ່ຂອງຕົນ. ຫຼັງຈາກກັບຄືນປະເທດແລ້ວ,ເພິ່ນໄດ້ຮັບຜິດຊອບ "ໂຄງການການທົດລອງແລະຄົ້ນຄວ້າຜະລິດອຸປະກອນສຳຄັນໃນການສຳຫຼວດວັດແທກໃຕ້ດິນແລະໃຕ້ທະເລເລິກ"ກໍຄືການຄົ້ນຄວ້າວິທະຍາສາດໃນຂົງເຂດທີ່ກ່ຽວຂ້ອງ ແລະກໍສາມາດສ້າງຜົນງານ "ອັນດັບໜຶ່ງຂອງຈີນ"ຫຼາຍລາຍການ ເຊິ່ງເປັນການປະກອບສ່ວນດ້ານເຕັກໂນໂລຊີຫຼາຍລາຍການໃນການ "ສຳຫຼວດທາງອາກາດ,ສຳຫຼວດໃຕ້ດິນແລະດຳນ້ຳທາງທະເລ"ຂອງປະເທດ.
ໃນວັນທີ 8 ມັງກອນປີນີ້, ທ່ານ ຫວງຕ້ານຽນ ໄດ້ເຖິງແກ່ມໍລະນະກຳດ້ວຍອາຍຸພຽງ 58 ປີຍ້ອນເມື່ອຍເກີນໄປຈົນເປັນພະຍາດ. ເພງ "ຂ້ອຍຮັກເຈົ້າ,ປະເທດຈີນ" ແມ່ນເພງໜຶ່ງທີ່ທ່ານ ຫວງຕ້ານຽນມັກທີ່ສຸດໃນເວລາຍັງມີຊີວິດ. ມື້ນີ້, ໃນຂະນະທີ່ສຳຄັນຂອງຂະບວນການສູ້ຊົນເພື່ອບັນລຸຄວາມຝັນຂອງຈີນທີ່ຟື້ນຟູປະຊາຊາດຈີນໃຫ້ມີຄວາມຈະເລີນຮຸ່ງເຮືອງຢ່າງຍິ່ງໃຫຍ່ ນັກວິທະຍາສາດທີ່ເອົາການເອົາງານທ່ານນີ້ໄດ້ບັນລະຍາຍຄວາມໝາຍຂອງເພງດັ່ງກ່າວຄືນໃໝ່ອີກ.
