ໜັງສືພິມ "ສະຫະລັດລາຍວັນ" ຂອງມຽນມາສະບັບວັນທີ 10 ກໍລະກົດນີ້ລາຍງານວ່າ, ຕົວເລກທີ່ກະຊວງການຄ້າມຽນມາເປີດເຜີຍສະແດງໃຫ້ເຫັນວ່າ, ຍອດມູນຄ່າການຄ້າກັບຕ່າງປະເທດໃນໄຕມາດທຳອິດຂອງສົກງົບປະມານປີນີ້ມີເຖິງ 7 ຕື້ 128 ລ້ານໂດລາ, ໃນນີ້, ມູນຄ່າການສົ່ງອອກ 2 ຕື້ 855 ລ້ານໂດລາ ແລະນຳເຂົ້າ 4 ຕື້ 273 ລ້ານໂດລາ, ການຄ້າທາງທະເລມີເຖິງ 5 ຕື້ 464 ລ້ານໂດລາ ແລະການຄ້າຊາຍແດນມີ 1 ຕື້ 664 ລ້ານໂດລາ ເຊິ່ງໂດຍລວມແລ້ວຍັງຂາດດຸນການຄ້າ 1 ຕື້ 418 ລ້ານໂດລາ.
ຂ່າວແຈ້ງຕື່ມວ່າ, ສິນຄ້າທີ່ມຽນມາສົ່ງອອກປະກອບມີ: ຜະລິດຕະພັນກະສິກຳ, ຜະລິດຕະພັນສັດ, ຜະລິດຕະພັນບໍ່ແຮ່, ຜະລິດຕະພັນໄມ້ ແລະຜະລິດຕະພັນອຸດສາຫະກຳ ຂະນະທີ່ສິນຄ້ານຳເຂົ້າປະກອບມີ: ເຄື່ອງໃຊ້ປະຈຳວັນ, ຜະລິດຕະພັນຮັບໃຊ້ໂຄງການ, ຜະລິດຕະພັນການລົງທຶນ ແລະອື່ນໆ.