ພິທີເປີດ "ສູນພາສາຈີນກະຊວງປ້ອງກັນຊາດກຳປູເຈຍ" ສະຖາບັນຂົງຈື້ໃນສະຖາບັນຄົ້ນຄວ້າລາຊະອານາຈັກກຳປູເຈຍໄດ້ຈັດຂຶ້ນຢູ່ກະຊວງປ້ອງກັນຊາດກຳປູເຈຍເມື່ອວັນທີ 12 ກໍລະກົດນີ້ ເພື່ອຕອບສະໜອງຕາມຮຽກຮ້ອງຕ້ອງການໃນການຍົກລະດັບຊັບພະຍາກອນມະນຸດພາສາຈີນ ແລະເພີ່ມທະວີການແລກປ່ຽນລະຫວ່າງສອງກອງທັບຈີນກຳປູເຈຍ ແລະໃນມື້ດຽວກັນ ສອງຝ່າຍກໍໄດ້ລົງນາມໃນສັນຍາຮ່ວມມື.
ທ່ານຈຽງອຳ ຮອງລັດຖະມົນຕີກະຊວງປ້ອງກັນຊາດກຳປູເຈຍໄດ້ຕາງໜ້າທ່ານຕີ ບັນ ຮອງນາຍົກລັດຖະມົນຕີ ທັງເປັນລັດຖະມົນຕີປ້ອງກັນຊາດກຳປູເຈຍກ່າວສະແດງຄວາມຂອບໃຈຕໍ່ສະຖາບັນຂົງຈື້ກຳປູເຈຍທີ່ເປີດສູນພາສາຈີນຢູ່ກະຊວງຕົນ ເພິ່ນເຮັດໃຫ້ນາຍແລະພົນທະຫານສາມາດຮຽນພາສາຈີນໃນບັນຍາກາດທີ່ດີກວ່າເກົ່າ. ທັງນີ້ຮຽກຮ້ອງໃຫ້ສຳມະນາກອນຈົ່ງຮຽນພາສາຈີນໃຫ້ດີ ເພືື່ອປະກອບສ່ວນເຂົ້າໃນການແລກປ່ຽນລະຫວ່າງສອງກອງທັບ.
ທ່ານຫຼີໜິງຢ້າ ທີ່ປຶກສາການທະຫານສະຖານທູດຈີນປະຈຳກຳປູເຈຍກ່າວວ່າ, ນາຍແລະພົນທະຫານກະຊວງປ້ອງກັນຊາດກຳປູເຈຍທີ່ຮຽນພາສາຈີນໃນສູນດັ່ງກ່າວ ຈະສາມາດເພີ່ມຄວາມເຂົ້າໃຈວັດທະນະທຳຈີນ ແລະເປັນການປະກອບສ່ວນໃຫຍ່ຫຼວງກວ່າເກົ່າເພື່ອເພີ່ມທະວີການແລກປ່ຽນຮ່ວມມືລະຫວ່າງສອງກອງທັບ.