ທ່ານ ເຊີກິໂອ ໂມໂຣ ຜູ້ພິພາກສາສະຫະພັນເບຣຊິນປະກາດໃນວັນທີ 12 ກໍລະກົດນີ້ວ່າ, ທ່ານ ລຸຍສ໌ ອີນາຊີໂອ ລູລາ ດາ ຊິວວາ ອະດີດປະທານາທິບໍດີຖືກຕັດສິນຕັດອິດສະຫຼະພາບ 9 ປີ 6 ເດືອນໃນຄະດີສໍ້ລາດບັງຫຼັວງແລະຟອກເງິນຫຼັງສືບສວນ-ສອບສວນຄັ້ງທຳອິດ.
ໜັງສືພິມໂກລໂບຂອງເບຣຊິນ ລາຍງານວ່າ, "ຫຼັງປະກາດຜົນການຕັດສິນ, ຈະບໍ່ປະຕິບັດທັນທີ ເພາະທ່ານລູລາຍັງມີສິດອຸທອນ." ທ່ານ ໂມໂຣ ກ່າວ.
ທ່ານ ລູລາ ຖືກກ່າວຫາມີການພົວພັນຢ່າງໃກ້ຊິດກັບບໍລິສັດກໍ່ສ້າງໂອອັສເບຣຊິນ. ແນວໃດກໍດີ, ຄະນະທະນາຍຄວາມຂອງທ່ານລູລາກ່າວກ່ອນໜ້ານີ້ວ່າ, ຈະອຸທອນຫຼັງການຕັດສິນວ່າທ່ານລູລາມີໂທດ.
ທ່ານ ລູລາ ເປັນປະທານາທິບໍດີຄັ້ງທຳອິດໃນເດືອນມັງກອນ 2003 ແລະຮັບຕຳແໜ່ງຕໍ່ອີກໜຶ່ງສະໄໝໃນເດືອນມັງກອນປີ 2007 ແລະໝົດອາຍຸການດຳລົງຕຳແໜ່ງໃນເດືອນມັງກອນປີ 2011.