ວິສາຫະກິດຈີນແລະອາເມລິກາ 20 ກວ່າແຫ່ງໄດ້ເຊັນສັນຍາກັນຢູ່ເດັສ ມອຍເນັສ ເທດສະບານລັດອີໂອວາ ສະຫະລັດອາເມລິກາໃນວັນທີ 13 ກໍລະກົດນີ້ ໂດຍວິສາຫະກິດຈີນຈະນຳເຂົ້າຖົ່ວເຫຼືອຈາກອາເມລິກາ 12 ລ້ານ 5 ແສນ 3 ໝື່ນໂຕນ, ຊີ້ນໝູ ແລະ ຊີ້ນງົວ 3 ລ້ານ 7 ແສນ 1 ໝື່ນໂຕນ ເຊິ່ງມີມູນຄ່າເຖິງ 5 ຕື້ 12 ລ້ານໂດລາສະຫະລັດ.
ເຈົ້າໜ້າທີ່ ແລະ ຜູ້ແທນຈາກວິສາຫະກິດ ເກືອບຮ້ອຍທ່ານຂອງສອງປະເທດ ໄດ້ເຂົ້າຮ່ວມພິທີເຊັນສັນຍາດັ່ງກ່າວ. ຂະນະທີ່ທ່ານສີຮາຍ ທີ່ປຶກສາທູດດ້ານວິທະຍາສາດເຕັກນິກ ກົງສຸນໃຫຍ່ຈີນປະຈຳຊີຄາໂກ ກ່າວໃນພິທີເຊັນສັນຍາວ່າ: ຈີນແລະອາເມລິກາໄດ້ບັນລຸຂໍ້ຕົກລົງກ່ຽວກັບແຜນການຮ້ອຍວັນການຮ່ວມມືດ້ານເສດຖະກິດລະຫວ່າງສອງຝ່າຍໃນຂະນະທີ່ປະມຸກລັດສອງປະເທດພົບປະກັນໃນເດືອນເມສາປີນີ້, ສຳລັບສັນຍາການຄ້າຜະລິດຕະພັນກະສິກຳທີ່ເຊັນກັນເທື່ອນີ້ກໍເປັນໜຶ່ງໃນມາດຕະການຕ່າງໆທີ່ເປັນຮູບປະທຳໃນການຈັດຕັ້ງປະຕິບັດຜົນການພົບປະລະຫວ່າງປະມຸກລັດສອງປະເທດ.
