ຕອນບ່າຍວັນທີ 13 ກໍລະກົດນີ້, ພິທີມອບຮັບລົດເມ 100 ຄັນທີ່ຈີນຊ່ວຍເຫຼືອລາຊະອານາຈັກກຳປູເຈຍໄດ້ຈັດຂຶ້ນຢູ່ນະຄອນຫຼວງພະນົມເປັນ ໃນນັ້ນລວມທັງລົດລາກແກ່ 2 ຄັນແລະລົດເມ 98 ຄັນ.
ຂ່າວແຈ້ງວ່າ: ຫຼັງຈາກລົດເມທີ່ຈີນຊ່ວຍເຫຼືອໄປຮອດພະນົມເປັນແລ້ວ, ອົງການປົກຄອງນະຄອນຫຼວງພະນົມເປັນໄດ້ເພີ່ມເສັ້ນທາງໃໝ່ 5 ສາຍໃນຫວ່າງມໍ່ໆນີ້. ປັດຈຸບັນ, ອົງການປົກຄອງດັ່ງກ່າວມີລົດເມ 57 ຄັນ, ແລະເສັ້ນທາງລົດເມມີ 3 ສາຍ.
ເຈົ້າຄອງນະຄອນຫຼວງພະນົມເປັນກ່າວວ່າ: ລົດເມທີ່ຈີນຊ່ວຍເຫຼືອນັ້ນຈະຊ່ວຍອົງການປົກຄອງນະຄອນຫຼວງພະນົມເປັນສ້າງລະບົບຄົມມະນາຄົມສາທາລະນະຄົບວົງຈອນຂຶ້ນກວ່າເກົ່າ,ປັບປຸງແລະແກ້ໄຂສະພາບລົດຕິດໃຫ້ດີຂຶ້ນ,ເພື່ອສ້າງສະພາບແວດລ້ອມຄົມມະນາຄົມທີ່ມີຄຸນນະພາບໃຫ້ແກ່ປະຊາຊົນພະນົມເປັນຫຼາຍຂຶ້ນກວ່າເກົ່າ.