ນາງແອນນີ ດິບຢາ ອາຍຸພຽງ 30 ປີ ໄດ້ກາຍເປັນຫົວໜ້າຈຸບິນເພດຍິງເຮືອບິນໂບອິງ 777 ທີ່ໜຸ່ມທີ່ສຸດໃນໂລກ. ນາງແອນນີເຕີບໃຫຍ່ຢູ່ລັດອັນດຣາອິນເດຍ. ໃນເວລາອາຍຸ 17 ປີ, ນາງແອນນີກໍເລີ່ມເຂົ້າຮ່ວມການຝຶກຊ້ອມນັກບິນ. ເຖິງວ່າພໍ່ແມ່ສະໜັບສະໜູນນາງກໍຕາມ, ແຕ່ສະມາຊິກຄອບຄົວອື່ນໆລ້ວນແຕ່ຄັດຄ້ານການເລືອກອາຊີບຂອງນາງ. ໂດຍຜ່ານການສູ້ຊົນຂອງຕົນແລ້ວ, ນາງມີໂອກາດໄປຮຽນຢູ່ໂຮງຮຽນການບິນ Indira Gandhi Rashtriya Uran Akademi ຂອງລັດພາກເໜືອອິນເດຍ. ການບັນລຸຄວາມຝັນຂອງຕົນໄດ້ເຮັດໃຫ້ເກືອບໝົດທຸກຄົນສະແດງຄວາມຍ້ອງຍໍຊົມເຊີຍຕໍ່ນາງ. ແຕ່ນາງແອນນີບໍ່ພຽງແຕ່ເປັນນັກບິນເທົານັ້ນ. ນາງຍັງເປັນມືຄີບອດ, ນັກເຕັ້ນ ແລະຮຽນຈົບປະລິນຍາໂທກົດໝາຍອີກດ້ວຍ.