ຕາມຂ່າວສານຈີນ: ທ່ານ ໂຊວັນ ອາດີຄາຣີ ໂຄສົກຂອງໂທລະຄົມເນປານກ່າວໃນຕົ້ນເດືອນກໍລະກົດນີ້ວ່າ, ປະເທດຕົນຈະເຊື່ອມຕໍ່ກັບສາຍໃຍແສງຂອງຈີນໃນເດືອນສິງຫາໜ້ານີ້ ເພື່ອບັນລຸເປົ້າໝາຍການເຊື່ອມຕໍ່ກັບອິນເຕີເນັດສາກົນໂດຍຜ່ານຈີນ.
ກ່ອນໜ້ານີ້, ອິນເຕີເນັດຂອງເນປານ ຕົ້ນຕໍແມ່ນເຊື່ອມຕໍ່ກັບອິນເດຍໂດຍຜ່ານຕົວເມືອງຕ່າງໆຢູ່ພາກໃຕ້ ເຊັ່ນ: ສິດດີທານາກາ ແລະ ບິເອີກູນເຈເປັນຕົ້ນ.
ຂ່າວແຈ້ງວ່າ, ພາຍຫຼັງສາຍໃຍແສງຂອງຈີນແລະເນປານເຊື່ອມຕໍ່ກັນແລ້ວ, ເນປານຈະມີສິດຄັດເລືອກຢ່າງເປັນເຈົ້າການຫຼາຍກວ່າເກົ່າ, ຂະນະດຽວກັນ ກໍຈະໄດ້ຮັບການບໍລິການອິນເຕີເນັດລາຄາຖືກວ່າເກົ່າແລະໄວກວ່າເກົ່າ.
 |
