ທ່ານຕຣຳ ອິບ ເທັກ ລັດຖະມົນຕີກະຊວງໄປສະນີກຳປູເຈຍຢືນຢັນໃນວັນທີ 14 ກໍລະກົດນີ້ຢູ່ນະຄອນຫຼວງພະນົມເປັນວ່າ: ປະເທດຕົນຫວັງນຳໃຊ້ອຸປະກອນໂທລະຄົມທີ່ກ້າວໜ້າທັນສະໄໝແລະແຜນການທີ່ດີຂອງບໍລິສັດໂທລະຄົມມະນາຄົມຈົ່ງຊິງຈຳກັດ（ZTE）ຂອງຈີນນັ້ນເຂົ້າໃນການເພີ່ມຄວາມສາມາດແກ້ໄຂເຫດການສຸກເສີນໃນຕົວເມືອງເພື່ອສ້າງນະຄອນຫຼວງພະນົມເປັນໃຫ້ເປັນຕົວເມືອງສະມາດ(Smart Cities)
ໂອກາດຊົມຫ້ອງວາງສະແດງຂອງບໍລິສັດ ZTE ໃນງານວາງສະແດງເສດຖະກິດເຕັກນິກປະເທດແມ່ນ້ຳລ້ານຊ້າງແມ່ນ້ຳຂອງ2017, ທ່ານຕຣຳ ອິບ ເທັກໄດ້ຮັບຟັງການລາຍງານກ່ຽວກັບການປະຍຸກແລະຜົນສຳເລັດຂອງບໍລິສັດດັ່ງກ່າວໃນຂົງເຂດຕ່າງໆເປັນຕົ້ນ ຕົວເມືອງສະມາດ,ຄວາມໝັ້ນຄົງສາທາລະນະ,ສູນຂໍ້ມູນ, ອິນເຕີເນັດຄວາມໄວສູງສະມາດ, ການສຶກສາສະມາດ, ເຕັກໂນໂລຊີຂໍ້ມູນຂ່າວສານຂອງວິສາຫະກິດແລະອື່ນໆ ທັງໄດ້ສຳຜັດກັບຄວາມກ້າວໜ້າທັນສະໄໝຂອງລະບົບໂທລະຄົມສະເພາະອິນເຕີເນັດຄວາມໄວສູງຕ່າງໆຂອງບໍລິສັດ ZTE.
ໂອກາດດັ່ງກ່າວ, ທ່ານຊ້ຽງຕີ້ກ່າງ ຜູ້ອຳນວຍການໃຫຍ່ບໍລິສັດ ZTE ປະຈຳກຳປູເຈຍຍັງໄດ້ແນະນຳໃຫ້ທ່ານຕຣຳ ອິບ ເທັກຮູ້ເຖິງແຜນການເຕັກໂນໂລຊີຂໍ້ມູນຂ່າວສານສະເພາະລັດແລະວິສາຫະກິດທີ່ຕອບສະໜອງກັບຄວາມຮຽກຮ້ອງຕ້ອງການຂອງກຳປູເຈຍເຊິ່ງອອກແບບໂດຍບໍລິສັດຕົນ.
 |
