ກອງປະຊຸມວຽກງານການເງິນທົ່ວປະເທດຈີນໄດ້ຈັດຂຶ້ນຢູ່ນະຄອນຫຼອງປັກກິ່ງແຕ່ວັນທີ 14 ຫາວັນທີ 15 ກໍລະກົດນີ້ ໂດຍທ່ານສີຈີ້ນຜີງ ເລຂາທິການໃຫຍ່ຄະນະກຳມະການສູນກາງພັກ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມ ແລະ ກ່າວປາໄສສຳຄັນ.
ທ່ານສີຈີ້ນຜີງກ່າວເນັ້ນວ່າ, ການເງິນແມ່ນກຳລັງແຂ່ງຂັນໃຈກາງອັນຂອງຊາດທີ່ສຳຄັນ, ຄວາມໝັ້ນຄົງດ້ານການເງິນແມ່ນພາກສ່ວນປະກອບທີ່ສຳຄັນຂອງຄວາມໝັ້ນຄົງແຫ່ງຊາດ, ລະບຽບການເງິນແມ່ນລະບຽບພື້ນຖານທີ່ສຳຄັນໃນການພັດທະນາເສດຖະກິດສັງຄົມ. ຕ້ອງເພິ່ມທະວີການນຳພາຂອງພັກຕໍ່ວຽກງານການເງິນ, ຍຶດໝັ້ນທິດທາງທີ່ກ້າວໜ້າໃນທ່າມກາງຄວາມໝັ້ນ, ເຄົາລົບກົດເກນການພັດທະນາການເງິນ,ໂດຍປິ່ນອ້ອມ 3 ໜ້າທີ່ ຄື, ຮັບໃຊ້ເສດຖະກິດຕົວຈິງ(Real economy), ປ້ອງກັນຄວາມສ່ຽງດ້ານການເງິນ ແລະ ລົງເລິກການປະຕິຮູບດ້ານການເງິນ, ປະດິດສ້າງ ແລະ ບູລະນະປຸງການດັດສົມການເງິນໃຫ້ສົມບູນຂຶ້ນ,ປັບປຸງລະບຽບວິສາຫະກິດການເງິນຍຸກປັດຈຸບັນໃຫ້ສົມບູນຂຶ້ນ, ປັບປຸງລະບົບຕະຫຼາດການເງິນໃຫ້ສົມບູນຂຶ້ນ, ຊຸກຍູ້ການສ້າງຂອບຕິດຕາມຄຸ້ມຄອງການເງິນຍຸກປັດຈຸບັນ, ເລັ່ງລັດຫັນປ່ຽນຮູບການພັດທະນາການເງິນ, ປັບປຸງການຄຸ້ມຄອງການເງິນຕາມກົດໝາຍໃຫ້ສົມບູນຂຶ້ນ, ຮັບປະກັນຄວາມໝັ້ນຄົງດ້ານການເງິນແຫ່ງຊາດ, ຊຸກຍູ້ເສດຖະກິດ ແລະ ການເງິນໃຫ້ໝູນວຽນເປັນຢ່າງດີ ແລະ ພັດທະນາຢ່າງປອດໃສ.