ກະຊວງ ທ່ອງທ່ຽວແລະກິລາໄທເປີດເຜີຍຫຼ້າສຸດວ່າ:6 ເດືອນຕົ້ນປີນີ້, ນັກທ່ອງທ່ຽວສາກົນທີ່ເຂົ້າປະເທດຕົນບັນລຸເຖິງ 17 ລ້ານ 3 ແສນ 3 ໝື່ນເທື່ອຄົນ ອັນໄດ້ສ້າງລາຍໄດ້ໃຫ້ແກ່ການທ່ອງທ່ຽວໄທເຖິງ 876 ຕື້ບາດ, ໃນນີ້, ນັກທ່ອງທ່ຽວຈີນໄດ້ປະກອບສ່ວນກວ່າ 27% ຄືບັນລຸເຖິງ 241 ຕື້ 200 ລ້ານບາດ.
6 ເດືອນຕົ້ນປີນີ້,ໄທສ້າງລາຍໄດ້ຈາກການທ່ອງທ່ຽວເຖິງ 1370 ຕື້ບາດ ເພີ່ມຂຶ້ນ 6% ເມື່ອທຽບໃສ່ໄລຍະດຽວກັນຂອງປີຜ່ານມາ.ໃນນີ້, ລາຍໄດ້ຈາກການທ່ອງທ່ຽວພາຍໃນມີປະມານ 500 ຕື້ບາດ.
ໃນໄລຍະດຽວກັນ, ນັກທ່ອງທ່ຽວຣັດເຊຍໄດ້ບໍລິໂພກຢູ່ໄທເຖິງ 56 ຕື້ບາດ, ນັກທ່ອງທ່ຽວມາເລເຊຍ 46 ຕື້ບາດ ເຊິ່ງໄດ້ປະກອບສ່ວນສ້າງລາຍໄດ້ໃຫ້ແກ່ການທ່ອງທ່ຽວໄທຫຼາຍເປັນອັນດັບ 2 ແລະອັນດັບ 3 ຖັດຈາກນັກທ່ອງທ່ຽວຈີນທີ່ເປັນອັນດັບ 1.
ກ່ອນໜ້ານີ້, ເຈົ້າໜ້າທີ່ການທ່ອງທ່ຽວໄທຢືນຢັນວ່າ: ຈີນໃນຖານະເປັນຕະຫຼາດນັກທ່ອງທ່ຽວທີ່ເຂົ້າມາທ່ຽວປະເທດຕົນຫຼາຍອັນດັບໜຶ່ງນັ້ນຈິ່ງໝັ້ນໃຈວ່າ ປີນີ້, ອາດຈະມີນັກທ່ອງທ່ຽວຈີນເຂົ້າມາທ່ຽວຫຼາຍກວ່າ 9 ລ້ານເທື່ອຄົນ ແລະຈາກນີ້ຈິ່ງຄາດວ່າຈະສ້າງລາຍໄດ້ປະມານ 500 ຕື້ບາດ.
 |
