ອົງການສະຖິຕິແຫ່ງຊາດຈີນ ເປີດເຜີຍໃນວັນທີ 17 ກໍລະກົດນີ້ວ່າ: ຜົນຄິດໄລ່ໃນເບື້ອງຕົ້ນປາກົດວ່າ 6 ເດືອນຕົ້ນປີນີ້, ຍອດຜະລິດຕະພັນພາຍໃນ ຫຼື GDP ປະເທດຕົນເຕີບໂຕ 38.149 ຕື້ຢວນ ເພີ່ມຂຶ້ນ 6,9% ເມື່ອທຽບໃສ່ໄລຍະດຽວກັນຂອງປີຜ່ານມາ ໃນນັ້ນ, ໄຕມາດທີ 1 ແລະ ທີ 2 ລ້ວນແຕ່ເຕີບໂຕ 6,9% ເຊັ່ນດຽວກັນເມື່ອທຽບໃສ່ໄລຍະດຽວກັນຂອງປີຜ່ານມາ ຖ້າແບ່ງຕາມອຸດສາຫະກຳແລ້ວ, ມູນຄ່າເພີ່ມຂອງຂະແໜງການກະສິກຳເຕີບໂຕ 3,5% ອຸດສາຫະກຳເຕີບໂຕ 6,4% ແລະຂະແໜງການບໍລິການ ເຕີບໂຕ 7,7%.
ທ່ານສິງຈື້ຫົງ ໂຄສົກອົງການສະຖິຕິແຫ່ງຊາດຈີນ ກ່າວວ່າ: ເສດຖະກິດປະເທດຕົນໄດ້ຮັກສາຢູ່ໃນລະດັບທີ່ສົມເຫດສົມຜົນ, ພັດທະນາໄປໃນທາງທີ່ດີທ່າມກາງສະພາບຄວາມໝັ້ນທ່ຽງດ້ວຍທ່າອ່ຽງທີ່ຈະແຈ້ງ ແລະຢູ່ໃນສະພາບທີ່ເຕີບໂຕຢ່າງໝັ້ນທ່ຽງ, ການປະກອບອາຊີບດີຂຶ້ນ, ລາຄາສິນຄ້າໝັ້ນທ່ຽງ, ລາຍຮັບເພີ່ມຂຶ້ນ ແລະ ໂຄງສ້າງເສດຖະກິດກໍໄດ້ຮັບການປັບປຸງດີຂຶ້ນ, ຂະນະທີ່ຄວາມໝັ້ນທ່ຽງ, ການປະສານສົມທົບ ແລະ ຄວາມຍືນຍົງ ໃນການພັດທະນາເສດຖະກິດ ກໍເພີ່ມທະວີດີຂຶ້ນ.