ແຕ່ວັນທີ 15 ຫາວັນທີ 16 ກໍລະກົດນີ້, ຄະນະການພົວພັນສາກົນກໍຄືສະຖາບັນຄົ້ນຄວ້າຊາວຈີນແລະຈີນຕ່າງດ້າວ ມະຫາວິທະຍາໄລຈີ້ໜານກວາງໂຈ່ວປະເທດຈີນ ໄດ້ຈັດກອງປະຊຸມວິຊາການສາກົນເພື່ອລະນຶກວັນຄົ້ນຄວ້າອາຊີຕາເວັນອອກສຽງໃຕ້ ກໍຄືຊາວຈີນແລະຈີນຕ່າງດ້າວຄົບຮອບ 90 ປີ ໂດຍຜູ້ແທນຈາກອົງການກິດຈະການຊາວຈີນແລະຈີນຕ່າງດ້າວຂອງຈີນ ພ້ອມດ້ວຍອົງການ ແລະ ໂຮງຮຽນຊັ້ນສູງທີ່ສຶກສາຄົ້ນຄວ້າວິຊາການຊາວຈີນແລະຈີນຕ່າງດ້າວ ກໍຄື ອາຊີຕາເວັນອອກສຽງໃຕ້ 180 ທ່ານເຂົ້າຮ່ວມ.
ກອງປະຊຸມວິຊາການດັ່ງກ່າວ, ນອກຈາກໄດ້ແບ່ງຈຸຄົ້ນຄວ້າແລ້ວ ຍັງໄດ້ຈັດເວທີປຶກສາຫາລືຊາວຈີນແລະຈີນຕ່າງດ້າວ ແລະເວທີປຶກສາຫາລືການລະນຶກວັນສ້າງຕັ້ງອາຊຽນຄົບຮອບ 50 ປີອີກ ໂດຍເຂົ້າຮ່ວມໃນເວທີປຶກສາຫາລືອາຊຽນດັ່ງກ່າວມີຫົວໜ້າແລະຮອງຫົວໜ້າກົງສຸນໃຫຍ່ 13 ທ່ານຈາກ 8 ສະຖານກົງສຸນໃຫຍ່ຕ່າງປະເທດປະຈຳເມືອງກວາງໂຈ່ວ.