ເຈົ້າໜ້າທີ່ກົງໂກ(ກິນຊາຊາ)ຢັ້ງຢືນໃນວັນທີ 16 ກໍລະກົດນີ້ວ່າ: ໄດ້ເກີດເຮືອຫຼົ້ມຢູ່ເຂດແມ່ນ້ຳກາໄຊແຂວງກູຍລູປະເທດຕົນໃນຕອນຄ່ຳວັນທີ 13 ກໍລະກົດນີ້, ຂະນະທີ່ເຮືອໂດຍສານລຳໜຶ່ງບັນທຸກຜູ້ໂດຍສານກັບຄືນມາແຂວງກາໄຊກາງຕາມແມ່ນ້ຳກາໄຊ ຫຼັງໄປເຖິງແຂວງກາໄຊແລະອຸບັດເຫດດັ່ງກ່າວໄດ້ສົ່ງຜົນເຮັດໃຫ້ຜູ້ໂດຍສານເສຍຊີວິດ 27 ຄົນ ແລະ 54 ຄົນຫາຍສາບສູນ ເຊິ່ງຜູ້ເສຍຊີວິດສ່ວນຫຼາຍເປັນນັກຮຽນ. ສ່ວນຜູ້ຫາຍສາບສູນນັ້ນ, ເຈົ້າໜ້າທີ່ໄດ້ສືບຕໍ່ດຳເນີນການຄົ້ນຫາດ້ວຍຄວາມຮັບຜິດຊອບສູງ.
ຂ່າວແຈ້ງວ່າ: ສາເຫດຕົ້ນຕໍທີ່ພາໃຫ້ເກີດອຸບັດເຫດດັ່ງກ່າວຄືບັນທຸກເກີນນ້ຳໜັກແລະຜູ້ຂັບເຮືອຢູ່ໃນອາການເມົາເຫຼົ້າ.
ປະເທດກົງໂກ(ກິນຊາຊາ)ມີແມ່ນ້ຳແລະໜອງຫຼາຍແຫ່ງ ເຊິ່ງການຂີ່ເຮືອແມ່ນເສັ້ນທາງທີ່ສຳຄັນໜຶ່ງຂອງປະຊາຊົນແລະເນື່ອງຈາກເຮືອເກົ່າແລະນ້ຳໜັກບັນທຸກເກີນແລະອື່ນໆ ຈຶ່ງເກີດອຸບັດເຫດເຮືອຫຼົ້ມມາໂດຍຕະຫຼອດ.
 |
