ອົງການສະຖິຕິແຫ່ງຊາດຈີນເປີດເຜີຍໃນວັນທີ 17 ກໍລະກົດນີ້ວ່າ, ລາຍຮັບທີ່ໃຊ້ຈ່າຍໄດ້ຕໍ່ຫົວຄົນຂອງປະຊາຊົນຈີນໃນຫົກເດືອນຕົ້ນປີນີ້ສະເລ່ຍມີເຖິງ 12932 ຢວນ ເພີ່ມຂຶ້ນ 8,8% ທັງເພີ່ມຂຶ້ນ 7,3% ຫຼັງຫັກປັດໄຈລາຄາ ແລະສູງກວ່າຈັງຫວະເຕີບໂຕຂອງ GDP ຄື 6,9% ເຖິງ 0,4% ເຊິ່ງເປັນເທື່ອທີສອງ ຖັດຈາກໄຕມາດທຳອິດປີນີ້.
ອົງການດັ່ງກ່າວຍັງຊີ້ໃຫ້ເຫັນວ່າ, ລາຍຮັບທີ່ໃຊ້ຈ່າຍໄດ້ຕໍ່ຫົວຄົນຂອງປະຊາຊົນໃນເມືອງໃນຫົກເດືອນຕົ້ນປີນີ້ສະເລ່ຍມີເຖິງ 18322 ຢວນ ເພີ່ມຂຶ້ນ 6,5% ຫຼັງຫັກຈາກປັດໄຈລາຄາ. ຂະນະທີ່ປະຊາຊົນຢູ່ຊົນນະບົດກໍມີລາຍຮັບສະເລ່ຍຕໍ່ຫົວຄົນເຖິງ 6562 ຢວນ. ເພີ່ມຂຶ້ນ 7,4% ຫຼັງຫັກຈາກປັດໄຈລາຄາ. ສ່ວນລາຍຮັບສະເລ່ຍລະຫວ່າງປະຊາຊົນຕົວເມືອງທີ່ລື່ນປະຊາຊົນຊົນນະບົດ 2,79 ເທົ່ານັ້ນ, ຄວາມແຕກໂຕນກັນກໍໄດ້ຫຼຸດລົງ 0,05%.
ອົງການດັ່ງກ່າວຍັງຍົກໃຫ້ເຫັນອີກວ່າ, ລາຍຈ່າຍບໍລິໂພກສະເລ່ຍຕໍ່ຫົວຄົນໃນທົ່ວປະເທດຈີນໃນຫົກເດືອນຕົ້ນປີນີ້ມີເຖິງ 8834 ຢວນ ເພີ່ມຂຶ້ນ 7,6% ແລະຫຼັງຫັກປັດໄຈລາຄາອອກແລ້ວd=ເພີ່ມຂຶ້ນ 6,1%.
 |
