ສະພາແຫ່ງຊາດຕວກກີໄດ້ຮັບຮອງເອົາມະຕິສະບັບໜຶ່ງໃນວັນທີ 17 ກໍລະກົດນີ້ ໂດຍຕົກລົງແກ່ຍາວການປະກາດພາວະສຸກເສີນໄປອີກ 3 ເດືອນນັບແຕ່ວັນທີ 19 ກໍລະກົດນີ້ເປັນຕົ້ນໄປ ເຊິ່ງນັບວ່າເປັນຄັ້ງທີ 4 ນັບແຕ່ລັດຖະບານປະກາດພາວະສຸກເສີນຫຼັງເກີດເຫດການລັດຖະປະຫານທີ່ຫຼົ້ມເຫຼວເມື່ອເດືອນກໍລະກົດປີ 2016 ເປັນຕົ້ນມາ.
ນັກວິເຄາະເຫັນວ່າ ການປະກາດພາວະສຸກເສີນເປັນເວລາຍາວນານ ໄດ້ສ້າງຄວາມສະດວກໃຫ້ແກ່ລັດຖະບານໃນການຄວບຄຸມສະຖານະການການເມືອງ ແລະ ເພີ່ມທະວີສິດອຳນາດການບໍລິຫານ. ຂະນະທີ່ໜຶ່ງປີຜ່ານມາ, ທົ່ວປະເທດຕວກກີໄດ້ມີ 5 ໝື່ນກວ່າຄົນຖືກຈັບ ແລະ 1 ແສນ 1 ໝື່ນກວ່າຄົນຖືກໄລ່ອອກຈາກວຽກງານ ເຊິ່ງຄົນເຫຼົ່ານີ້ສ່ວນຫຼາຍມາຈາກກອງທັບ, ຕຳຫຼວດ, ອົງການຕຸລາການ, ອົງການຂ່າວລັບ ແລະໂຮງຮຽນ.