ວັນທີ 18 ກໍລະກົດນີ້, ທ່ານ ອັບເດວ ຟາຕາ ອານ ຊີຊີ ປະທານາທິບໍດີເອຢິບ ໄດ້ຮຽກໄຂກອງປະຊຸມຢູ່ນະຄອນຫຼວງເລີແກ ເພື່ອຊຸກຍູ້ການຮ່ວມມືລະຫວ່າງລັດຖະບານແລະວິສາຫະກິດຈີນ ດຳເນີນໂຄງການລົດໄຟລອຍຟ້າຢູ່ຊານເມືອງເລີແກ ແລະຫຼັງກອງປະຊຸມ, ສອງຝ່າຍກໍໄດ້ບັນລຸຂໍ້ຕົກລົງໃນເບື້ອງຕົ້ນ.
ເຈົ້າໜ້າທີ່ພະແນກເສດຖະກິດການຄ້າ ສະຖານທູດຈີນປະຈຳເອຢິບ ໄດ້ໃຫ້ສຳພາດຕໍ່ນັກຂ່າວຂ່າວສານຊິນຮວາ ວ່າ: ໂຄງການດັ່ງກ່າວຈະຮັບເໝົາໂດຍບໍລິສັດຫຸ້ນສ່ວນເຕັກນິກການບິນສາກົນຈີນຈຳກັດ ຫຼື AVIC INTL ແລະ ກຸ່ມບໍລິສັດທາງລົດໄຟຈີນຈຳກັດ ຫຼື CREC ເຊິ່ງລັດຖະບານເອຢິບແລະຜູ້ຕາງໜ້າວິສາຫະກິດຈີນ ໄດ້ບັນລຸຂໍ້ຕົກລົງໃນເບື້ອງຕົ້ນແລ້ວ ແຕ່ຍັງມີຄວາມຈຳເປັນທີ່ຈະເຈລະຈາກັນເພື່ອບັນລຸການເຊັນສັນຍາເປັນເທື່ອສຸດທ້າຍຕື່ມອີກ.
ທ່ານອາລາອາ ຢູເຊັຟ ໂຄສົກລັດຖະບານເອຢິບ ໄດ້ອອກຖະແຫຼງການໃນວັນທີ 18 ກໍລະກົດນີ້ວ່າ: ລັດຖະມົນຕີກະຊວງຄົມມະນາຄົມປະເທດຕົນກໍໄດ້ເຂົ້າຮ່ວມກອງປະຊຸມເພື່ອປຶກສາຫາລືໂຄງການລົດໄຟລອຍຟ້າ ເຊິ່ງໂຄງການນີ້ແມ່ນໜຶ່ງໃນແຜນການພັດທະນາຕາໜ່າງທາງລົດໄຟ ໂດຍຍາວ 66 ກິໂລແມັດ ແລະ ມີ 11 ສະຖານີ ໂດຍຈະເຊື່ອມຕໍ່ເມືອງນ້ອຍຕ່າງໆທີ່ຢູ່ອ້ອມຂ້າງເຂດເລີແກໃຫຍ່.