ເຈົ້າໜ້າທີ່ທະນາຄານກາງໄທເປີດເຜີຍວ່າ, ອັດຕາແລກປ່ຽນລະຫວ່າງເງິນບາດໄທແລະໂດລາອາເມລິກາໃນວັນທີ 18 ກໍລະກົດນີ້ແມ່ນ 33,59 ບາດຕໍ່ 1 ໂດລາ ເຊິ່ງເປັນລາຄາສູງສຸດໃນຮອບສອງປີ. ຂະນະທີ່ວັນທີ 17 ເດືອນດຽວກັນຢູ່ໃນລະດັບ 33,71 ບາດຕໍ່ 1 ໂດລາ.
ນັກວິເຄາະຕະຫຼາດການທະນາຄານກຸງໄທເປີດເຜີຍໃນມື້ດຽວກັນວ່າ, ອັດຕາແລກປ່ຽນລະຫວ່າງເງິນບາດໄທແລະໂດລາອາເມລິກາຈະຮັກສາທ່າການແຂງຄ່າໃນໄລຍະສັ້ນ ເຊິ່ງຄາດວ່າອາດຈະຢູ່ລະຫວ່າງ 33,50 ກັບ 33,60.
ນັກວິເຄາະເຫັນວ່າ, ເງິນບາດໄທຈະຮັກສາລາຄາຄ້າຍຄືເງິນຕາຂອງປະເທດອ້ອມຂ້າງໃນຂັ້ນພື້ນຖານ ເນື່ອງຈາກວ່າເສດຖະກິດຈີນຮັກສາການເຕີບໂຕຢ່າງໜັກແໜ້ນ ແລະນຳພາການເຕີບໂຕຂອງເສດຖະກິດຕະຫຼາດຈະເລີນໃໝ່. ຂະນະທີ່ເສດຖະກິດໄທ, ການສົ່ງອອກ ແລະຂະແໜງການທ່ອງທ່ຽວໄດ້ຮັບການພັດທະນາເປັນຢ່າງດີ, ການດຶງດູດທຶນຕ່າງປະເທດໄຫຼເຂົ້າຕະຫຼາດຫຼັກຊັບໄທໄດ້ເປັນຈຳນວນຫຼາຍນັ້ນ ຄືສາເຫດເຮັດໃຫ້ລາຄາເງິນບາດສູງຂຶ້ນ.