ຫ້ອງການວຽກງານການຕ່າງປະເທດແລະຊາວຈີນຕ່າງດ້າວແຂວງໄຫຫຼຳ ສປ ຈີນລາຍງານໃນວັນທີ 20 ກໍລະກົດນີ້ວ່າ: ໂຄງການການແສງສະຫວ່າງໄຫຫຼຳເທື່ອທີ 4 ທີ່ແຂວງຕົນຈັດຕັ້ງປະຕິບັດນັ້ນຈະຈັດຢູ່ແຂວງຊຽມລຽບ ປະເທດກຳປູເຈຍເລີ່ມແຕ່ວັນທີ 23 ກໍລະກົດນີ້ເປັນຕົ້ນໄປ ໂດຍຈະບໍລິການຜ່າຕັດຜູ້ເປັນພະຍາດແກ່ນຕາຂຸ້ນບໍ່ເສຍຄ່າ.
ໂຄງການແສງສະຫວ່າງໄຫຫຼຳທີ່ຈັດຂຶ້ນຢູ່ກຳປູເຈຍເປັນການປະຕິບັດຕາມຄວາມເປັນເອກະພາບກັນລະຫວ່າງແຂວງໄຫຫຼຳກັບທ່ານຮຸນແຊນ ນາຍົກລັດຖະມົນຕີກຳປູເຈຍເມື່ອເດືອນກໍລະກົດ 2016 ຜ່ານມາໂດຍໜ່ວຍແພດແຂວງໄຫຫຼຳໄດ້ເດີນທາງໄປປະຕິບັດໜ້າທີ່ 3 ຄັ້ງຢູ່ແຂວງກຳໂປງຈາມແລະແຂວງຊຽມລຽບ ໃນເດືອນກັນຍາ, ເດືອນ ຕຸລາ 2016 ແລະເດືອນມັງກອນ 2017 ໂດຍໄດ້ສຳເລັດການຜ່າຕັດຜູ້ເປັນພະຍາດແກ່ນຕາຂຸ້ນ 371 ຄົນ ແລະເຮັດໃຫ້ຕາຄົນເຈັບເຫຼົ່ານີ້ສາມາດເຫັນໄດ້ຄືນໃໝ່ອີກ.
ຕາມແຜນເບື້ອງຕົ້ນ, ໜ່ວຍແພດແຂວງໄຫຫຼຳຈະກວດວິເຄາະຜູ້ເປັນພະຍາດແກ່ນຕາຂຸ້ນຢູ່ໂຮງໝໍແຂວງຊຽມລຽບແຕ່ວັນທີ 25-27 ກໍລະກົດນີ້ແລະຈາກນັ້ນຈະລົງມືຜ່າຕັດຄົນເຈັບລະຫວ່າງວັນທີ 26 -28 ເດືອນດຽວກັນ.
 |
