ຕອນເຊົ້າວັນທີ 19 ກໍລະກົດນີ້, ບໍລິສັດຮ່ວມທຶນລາວ-ຈີນຈຳກັດທີີ່ກໍ່ສ້າງເຂດພັດທະນາສັງລວມໄຊເສດຖາວຽງຈັນ ສປປ ລາວແລະມະຫາວິທະຍາໄລຊູ່ໂຈ່ວສາຂາລາວໄດ້ລົງນາມໃນສັນຍາການຮ່ວມກັນສ້າງສູນຝຶກອົບຮົມການສຶກສາຢູ່ມະຫາວິທະຍາໄລດັ່ງກ່າວໂດຍສອງຝ່າຍຈະຮ່ວມມືໃນການອົບຮົມແລະຮັບບຸກຄະລາກອນເປັນຕົ້ນ.
ທ່ານ ຊົງຈຸ່ນ ຮອງຜູ້ອຳນວຍການໃຫຍ່ບໍລິສັດຮ່ວມທຶນລາວ-ຈີນຈຳກັດກ່າວວ່າ: ເຂດພັດທະນາສັງລວມໄຊເສດຖາແມ່ນໂຄງການຮ່ວມມືລະດັບຊາດທີ່ລັດຖະບານສອງປະເທດຕົກລົງຮ່ວມກັນທັງແມ່ນເຂດຮ່ວມມືເສດຖະກິດການຄ້າຕ່າງປະເທດລະດັບຊາດພຽງແຫ່ງດຽວຂອງຈີນຢູ່ລາວ.ປັດຈຸບັນ ເຂດດັ່ງກ່າວມີ 40 ວິສາຫະກິດດຳເນີນທຸລະກິດແລ້ວ. ສຳລັບການຮ່ວມກັນສ້າງສູນຝຶກອົບຮົມການສຶກສາລະຫວ່າງສອງຝ່າຍຄັ້ງນີ້ ດ້ານໜຶ່ງກໍເພື່ອຊ່ວຍວິສາຫະກິດຕ່າງປະເທດປະຈຳຢູ່ເຂດດັ່ງກ່າວຍົກລະດັບພະນັກງານແລະຮັບບຸກຄະລາກອນເປັນຕົ້ນ; ອີກດ້ານໜຶ່ງກໍຈະສະໜອງໂອກາດການສ້າງວຽກເຮັດງານທຳແລະຍົກລະດັບການສຶກສາໃຫ້ແກ່ນັກສຶກສາທີ່ດີເດັ່ນຂອງມະຫາວິທະຍາໄລຊູ່ໂຈ່ວສາຂາລາວອີກດ້ວຍ.
 |
