ວັນທີ 19 ກໍລະກົດນີ້, ຫຼາຍບໍລິສັດທ່ອງທ່ຽວຂອງເຂດປົກຄອງຕົນເອງເຜົ່າຈວ້າງກວາງຊີຈີນໄດ້ໃຫ້ຮູ້ວ່າ: ການທ່ອງທ່ຽວໃນໄລຍະພັກຮຽນລະດູຮ້ອນ, ບັນດາປະເທດໃນອາຊີຕາເວັນອອກສຽງໃຕ້ເປັນເປົ້າໝາຍທີ່ໄດ້ຮັບຄວາມນິຍົມຊົມຊອບຫຼາຍທີ່ສຸດຂອງປະຊາຊົນຈີນຢ່າງຕໍ່ເນື່ອງ ສົ່ງຜົນເຮັດໃຫ້ເສັ້ນທາງການທ່ອງທ່ຽວບາງສາຍໃນເດືອນນີ້ຂາຍໝົດແລ້ວ.
ເວັບໄຊທ່ອງທ່ຽວຖູນີວຈີນໃຫ້ຮູ້ວ່າ: 1 ປີຜ່ານມາ, ນັກທ່ອງທ່ຽວຈີນໄປທ່ຽວອາຊຽນໄດ້ເພີ່ມຂຶ້ນ 55% ເມື່ອທຽບໃສ່ໄລຍະດຽວກັນຂອງປີຜ່ານມາ. ສ່ວນການຈັດອັນດັບປະເທດຕາມໜຶ່ງແລວທາງໜຶ່ງເສັ້ນທາງທີ່ໄດ້ຮັບຄວາມນິຍົມຊົມຊອບຫຼາຍທີ່ສຸດທີ່ເວັບໄຊເຊຍເຊີງເປີດເຜີຍນັ້ນ, ອາຊຽນກວມເອົາ 7 ອັນດັບແຖວໜ້າໃນ 10 ປະເທດທີ່ຕ້ອນຮັບນັກທ່ອງທ່ຽວຈີນຫຼາຍທີ່ສຸດ.
ການໄປມາຢ່າງສະດວກ, ກຸ້ມຄ່າ, ການອອກວີຊ່າທີ່ສະດວກສະບາຍ,ຮີດຄອງປະເພນີຂອງຊາວຕ່າງປະເທດ, ອາກາດແລະປັດໄຈອື່ນໆ ຄືສາເຫດຕົ້ນຕໍທີ່ເຮັດໃຫ້ນັກທ່ອງທ່ຽວຈີນໄປທ່ຽວອາຊີຕາເວັນອອກສຽງໃຕ້ແລະເນື່ອງຈາກໄດ້ຮັບຜົນປະໂຫຍດຈາກການສ້າງໜຶ່ງແລວທາງໜຶ່ງເສັ້ນທາງ, ຖ້ຽວບິນແຕ່ຈີນໄປປະເທດໃນອາຊີຕາເວັນອອກສຽງໃຕ້ບໍ່ພຽງແຕ່ເພີ່ມຂຶ້ນຫຼາຍຖ້ຽວເທົ່ານັ້ນ,ຫາກຍັງມີການເໝົາຍົນເລື້ອຍໆ.