ການເຈລະຈາສັນຍາຄູ່ຮ່ວມເສດຖະກິດຮອບດ້ານໃນພາກພື້ນຫຼືRCEPເທື່ອທີ 19 ຈະຈັດຂຶ້ນຢູ່ອິນເດຍໃນວັນທີ 24 ກໍລະກົດນີ້. ທ່ານກ່າວເຟິ່ງ ໂຄສົກກະຊວງການຄ້າຈີນຢືນຢັນໃນການຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 20 ກໍລະກົດນີ້ວ່າ ຈີນຈະເດັດດ່ຽວສະໜັບສະໜູນອາຊຽນໃຫ້ມີຖານະແກນກາງໃນການເຈລະຈາຢ່າງສະເໝີຕົ້ນສະເໝີປາຍ ແລະເອົາໃຈໃສ່ຕໍ່ຄວາມພໍໃຈຂອງສະມາຊິກສ່ວນໃຫຍ່. ກ່ອນໜ້ານີ້, ອາຊຽນໄດ້ສະເໜີໃຫ້ສິ້ນສຸດການເຈລະຈາRCEPໃນລັກສະນະທາດແທ້ພາຍໃນປີ2017ນີ້.
ທ່ານກ່າວເຟິງກ່າວຕື່ມວ່າ: ຈີນຈະຍຶດໝັ້ນສົ່ງເສີມການເຈລະຈາ,ການຮ່ວມມືໃຫ້ປະສົບຜົນສຳເລັດ ແລະພະຍາຍາມຊຸກຍູ້ໃຫ້ບັນດາຝ່າຍບັນລຸສັນຍາທີ່ກ້າວໜ້າ,ຮອບດ້ານ,ມີລະດັບສູງແລະຕ່າງຝ່າຍຕ່າງມີຜົນປະໂຫຍດໂດຍໄວໃນໄລຍະການເຈລະຈາເທື່ອນີ້, 16 ຝ່າຍທີ່ຮ່ວມເຈລະຈາຈະລົງເລິກຫາລືໃນການອະນຸມັດສິນຄ້າເຂົ້າຕະຫຼາດຫຼັກ ທັງສ້າງແຜນງານຊຸກຍູ້ການເຈລະຈາໃນບາດກ້າວຕໍ່ໄປ.