ການແຂ່ງຂັນເວົ້າພາສາຈີນເພື່ອຄັດເລືອກນັກສຶກສາເຂົ້າຮ່ວມການແຂ່ງຂັນ"ຂົວພາສາຈີນ"ສຳລັບນັກສຶກສາໂລກຄັ້ງທີ 16 ຮອບທີ 2 ໄດ້ອັດລົງແລ້ວຢູ່ເມືອງສາງຊ່າແຂວງຫູນານ ສປ ຈີນໃນວັນທີ 20 ກໍລະກົດນີ້ເຊິ່ງຜົນການແຂ່ງຂັນປາກົດວ່າ ນາງຫວາງຢາເມີຍ ຈາກບັງກະລາເດັດໄດ້ຕາງໜ້ານັກສຶກສາອາຊີ, ທ້າວກົ່ງຮ້າວ ຈາກສະຫະລັດອາເມລິກາ ຕາງໜ້ານັກສຶກສາທະວີບອາເມລິກາ, ນາງຊູສ້ຽວສ້ຽວຈາກເບລາຣຸດຊີ ຕາງໜ້າໃຫ້ນັກສຶກສາເອີຣົບ, ນາງປາຍລີ້ ຈາກອົສຕຣາລີ ຕາງໜ້າ ນັກສຶກສາທະວີບໂອເຊນີແລະທ້າວເສິນອ່ານຢີ້ ຈາກມາຣົກຕາງໜ້ານັກສຶກສາທະວີບອາຟຣິກກາໄດ້ເຂົ້າຮອບ 30 ຄົນສຸດທ້າຍ.
ລະບຽບການແຂ່ງຂັນຮອບທີ 2 ໃນການແຂ່ງຂັນ"ຂົວພາສາຈີນ"ຄັ້ງນີ້ມີຄວາມຫຍຸ້ງຍາກກວ່າຄັ້ງຜ່ານມາໂດຍໄດ້ແບ່ງນັກສຶກສາອອກເປັນຈຸຕາມແຕ່ລະທະວີບເພື່ອແຂ່ງຂັນການສົນທະນາລະຫວ່າງນັກສຶກສາຈີນແລະຕ່າງປະເທດ.ຈາກນີ້ກໍຄັດເລືອກເອົາຜູ້ເຂົ້າຮອບຕໍ່ໄປຕາມອັດຕາສ່ວນຂອງຜູ້ເຂົ້າຮ່ວມແຂ່ງຂັນ.
ຫຼັງເຂົ້າຮອບ 30 ຄົນສຸດທ້າຍແລ້ວ, ບັນດານັກສຶກສາຈະຕ້ອງຜ່ານການທົດສອບທີ່ມີຄວາມທ້າທາຍສູງກວ່າເກົ່າໂດຍແຂ່ງຂັນຕອບຄຳຖາມເພື່ອຄັດເລືອກໃຫ້ເຫຼືອ 15 ຄົນສຸດທ້າຍ.