ປະທານສະພາແຫ່ງຊາດລາວກວດກາການກໍ່ສ້າງທາງລົດໄຟຈີນ-ລາວຍ່ານແຂວງວຽງຈັນ
2017-07-21 16:55:03 cri
ໜັງສືພິມປະເທດລາວແລະໜັງສືພິມເສດຖະກິດ-ສັງຄົມຂອງລາວສະບັບວັນທີ 19 ກໍລະກົດນີ້ລາຍງານວ່າ: ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ພ້ອມດ້ວຍຮອງລັດຖະມົນຕີກະຊວງການຕ່າງປະເທດລາວແລະເຈົ້າໜ້າທີ່ທີ່ກ່ຽວຂ້ອງໄດ້ເດີນທາງໄປກວດກາການກໍ່ສ້າງທາງລົດໄຟລາວ-ຈີນຍ່ານແຂວງວຽງຈັນ, ແລະຮັບຟັງການລາຍງານຄວາມຄືບໜ້າ ການສ້າງທາງລົດໄຟແລະຄວາມຄິດເຫັນຂອງປະຊາຊົນ. ທ່ານນາງ ປານີ ຢາທໍ່ຕູ້ ໄດ້ສະແດງຄວາມພໍໃຈຕໍ່ຄວາມຄືບໜ້າໃນການສ້າງທາງລົດໄຟ ແລະຂອບໃຈປະຊາຊົນທີ່ຢູ່ຕາມແລວທາງລົດໄຟທີ່ສະໜັບສະໜູນ.
