ເຈົ້າໜ້າທີ່ອິນເດຍກ່າວວ່າ: ໃນຕອນເຊົ້າວັນທີ 20 ກໍລະກົດນີ້, ລົດໂດຍສານຄັນໜຶ່ງຢູ່ເຂດຣຳປູລັດຮີມາຊາເອວທາງພາກເໜືອຂອງປະເທດຕົນໄດ້ຕົກເຫວ ສົ່ງຜົນເຮັດໃຫ້ມີຜູ້ໂດຍສານຢ່າງໜ້ອຍ 28 ຄົນເສຍຊີວິດ ແລະ 9 ຄົນເຈັບສາຫັດ.
ເຈົ້າໜ້າທີ່ຕຳຫຼວດທ້ອງຖິ່ນກ່າວວ່າ: ລົດໂດຍສານດັ່ງກ່າວໄດ້ບັນທຸກຜູ້ໂດຍສານຢ່າງໜ້ອຍ 40 ຄົນ ໂດຍໃນເວລາປະມານ 9 ໂມງ 15 ນາທີຂອງມື້ດັ່ງກ່າວໄດ້ຕົກເຫວເຊິ່ງຫ່າງຈາກຊີມລາເທດສະບານລັດຮີມາຊາເອວ 120 ກິໂລແມັດ ແລະເນື່ອງຈາກເປັນເຫວເລິກປະມານ 200 ແມັດ ຄາດວ່າຈະມີຜູ້ເສຍຊີວິດເພີ່ມຂຶ້ນອີກ.
ສື່ມວນຊົນປະເທດດັ່ງກ່າວລາຍງານວ່າ: ອົງການປົກຄອງທ້ອງຖິ່ນໄດ້ສົ່ງພະນັກງານກູ້ໄພໄປຈຸດເກີດເຫດໂດຍໄດ້ນຳເອົາຜູ້ບາດເຈັບບາງຄົນສົ່ງໄປປິ່ນປົວຢູ່ໂຮງໝໍໃກ້ຈຸດເກີດເຫດແລ້ວ, ສ່ວນສາເຫດການເກີດອຸບັດເຫດດັ່ງກ່າວຍັງຢູ່ໃນໄລຍະສືບສວນ.