ເວັບໄຊກະຊວງການຄ້າໄທໃຫ້ຮູ້ວ່າ: ຫວ່າງມໍ່ໆມານີ້, ທ່ານ ຈະຕຸຣົນ ໃຈສາງ ເລຂາທິການໃຫຍ່ຄະນະກຳມະການນະໂຍບາຍເງິນຕາຂອງທະນາຄານກາງໄທກ່າວວ່າ: ເສດຖະກິດໄທສືບຕໍ່ພັດທະນາໄປໃນທາງທີ່ດີແລະມີທ່າອ່ຽງດີຂຶ້ນ ເຊິ່ງຄາດວ່າການສົ່ງອອກແລະການທ່ອງທ່ຽວຍັງແມ່ນກຳລັງຊຸກດັນທີ່ສຳຄັນເຮັດໃຫ້ເສດຖະກິດເຕີບໂຕໃນທ້າຍປີນີ້. ຂະນະດຽວກັນກໍຄາດວ່າຄວາມໄວຂອງການເຕີບໂຕທາງເສດຖະກິດໃນປີນີ້ ຈະບັນລຸໃນລະດັບ 3,5%, ແລະປີ 2018 ອາດຈະບັນລຸ 3,7%.
ແນວໃດກໍດີ, ທ່ານ ຈະຕຸຣົນ ໄດ້ຮຽກຮ້ອງໃຫ້ເອົາໃຈໃສ່ຕໍ່ປັດໄຈສ່ຽງຈາກພາຍນອກ ລວມທັງຄວາມໄວຂອງການເຕີບໂຕທາງເສດຖະກິດຂອງປະເທດຄູ່ຮ່ວມການຄ້າຕ່ຳກວ່າຄາດໝາຍ ລວມທັງນະໂຍບາຍຂອງອາເມລິກາທີ່ບໍ່ແນ່ນອນ,ການເມືອງໃນປະເທດທີ່ບໍ່ມີສະຖຽນລະພາບອາດຈະກະທົບຕໍ່ການເຕີບໂຕທາງເສດຖະກິດຂອງປະເທດຄູ່ຮ່ວມການຄ້າ.