ທ້າວ ຫຼີເສີງ ທີ່ເປັນເຈົ້າໜ້າທີ່ຮັກສາຄວາມສະຫງົບຂອງສະຖາບັນວິຈິດຕະກຳສູນກາງຈີນມາເປັນເວລາ 10 ປີໄດ້ສຸມທຸກຄວາມພະຍາຍາມຂອງຕົນໃນການສຶກສາຮ່ຳຮຽນແລະໃນທີ່ສຸດກໍໄດ້ຮັບໃບຢັ້ງຢືນເຂົ້າຮຽນສະຖາບັນດັ່ງກ່າວ. ປີນີ້ລາວມີອາຍຸ 28 ປີ ໂດຍຕະຫຼອດໄລຍະ 10 ປີຜ່ານມາ, ລາວທັງເຮັດວຽກທັງສຶກສາຮ່ຳຮຽນ, ແຕ່ກໍບໍ່ປະສົບຜົນສຳເລັດເນື່ອງຈາກຄະແນນໃນວິຊາວັດທະນະທຳຕົກ. ເຖິງປານນັ້ນລາວກໍ່ບໍ່ທໍ້ຖອຍຈົນມາເຖິງປີ 2016, ລາວໄດ້ເລີ່ມຮຽນວິຊາວັດທະນະທຳແລະໃນທີ່ສຸດຄືປີນີ້ລາວກໍ່ສາມາດເສັງເຂົ້າສະຖາບັນດ້ວຍຄະແນນ 412 ຄະແນນສົມດັ່ງຄວາມຕັ້ງໃຈ. ກ່ອນໜ້ານີ້, ລາວໄດ້ທີ 8 ໃນທົ່ວປະເທດຈາກການເສັງວິຊາວິຈິດຕະກຳຂອງສະຖາບັນດັ່ງກ່າວ. ເລື່ອງນີ້ບອກໃຫ້ພວກເຮົາຮູ້ວ່າຖ້າມີຄວາມຝັນ ແລະສຸມທຸກຄວາມພະຍາຍາມຢ່າງທໍ້ຖອຍແລ້ວກໍຈະປະສົບຜົນສຳເລັດດັ່ງຕັ້ງໃຈໄວ້ໄດ້.