ວັນທີ 21 ກໍລະກົດນີ້, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດອອກຖະແຫຼງການໂດຍຜ່ານໂຄສົກໂດຍສະແດງຄວາມເປັນຫ່ວງຕໍ່ມືອງເກົ່າເຢຣູຊາເຣມເກີດເຫດການຄວາມຮຸນແຮງຢ່າງບໍ່ຂາດ, ແລະຮຽກຮ້ອງສອງຝ່າຍອິສຣາແອນກັບປາແລັສຕິນຈົງຮັກສາຄວາມອົດກັ້ນ, ຫຼີກເວັ້ນບໍ່ໃຫ້ການປະທະກັນຮຸນແຮງຂຶ້ນອີກ.
ທ່ານກູເຕີເຣສຕິຕຽນເຫດການທີ່ຕຳຫຼວດທະຫານອິສຣາແອນກັບຊາວປາແລັສຕິນເກີດການປະທະກັນຢູ່ຫຼາຍແຫ່ງຂອງພາກຕາເວັນອອກເຢຣູຊາເຣມແລະຝັ່ງຕາເວັນຕົກແມ່ນ້ຳຈໍແດນແລະເຮັດໃຫ້ຊາວປະເລັສຕິນ 3 ຄົນເສຍຊີວິດ, ຮຽກຮ້ອງໃຫ້ກວດສອບເຫດການນີ້ຢ່າງຮອບດ້ານໂດຍໄວ. ໃນຖະແຫຼງການອີກສະບັບໜຶ່ງ, ທ່ານກູເຕີເຣສໄດ້ຕິຕຽນເຫດການທີ່ຊາວປາເລັສຕິນຜູ້ 1 ເອົາມີດໂຈມຕີຊາວອິສຣາແອນຢູ່ຝັ່ງຕາເວັນຕົກແມ່ນ້ຳຈໍແດນໃນມື້ດຽວກັນ. ທ່ານຮຽກຮ້ອງບັນດາຝ່າຍຫຼີກເວັ້ນຄຳເວົ້າແລະການກະທຳທີ່ອາດຈະເຮັດໃຫ້ການປະທະກັນຮຸນແຮງຂຶ້ນອີກ.
ວັນທີ 21 ກໍລະກົດນີ້, ເຈົ້າໜ້າທີ່ທະຫານປ້ອງກັນປະເທດອິສຣາແອນກ່າວວ່າ, ຢູ່ຮາລາມີສ ຈຸດຕັ້ງຖິ່ນຖານຊາວຢິວຝັ່ງຕາເວັນຕົກແມ່ນ້ຳຈໍແດນໄດ້ເກີດເຫດການທີ່ຊາວປາເລັສຕິນເອົາມີດໂຈມຕີຊາວອິສຣາແອນໃຫ້ 3 ຄົນເສຍຊີວິດແລະ 1 ຄົນບາດເຈັບ.
ວັນທີ 21 ກໍລະກົດນີ້, ອິສຣາແອນປະຕິເສດມ້າງປະຕູຢັ່ງແທກໂລຫະຢູ່ທາງເຂົ້າຂອງພູວັດເມືອງເກົ່າເຢຣູຊາເຣມ ( ຊາວມູສລິມເອີ້ນວ່າເປັນສະຖານທີ່ສັກສິດ ), ແລະຈຳກັດອາຍຸຂອງຊາວປະເລັສຕິນທີ່ໄປນະມັດສະການຢູ່ສຸເຫຼົ່າອິດສະລາມອາກຊາ, ພາໃຫ້ການປະທ້ວງຂອງກຸ່ມຄົນມູສລີມແລະການປະທະກັນກັບຕຳຫຼວດທະຫານອິສຣາແອນ.