ວັນທີ 21 ກໍລະກົດນີ້, ທ່ານເຣກສ໌ ຕີເລີຊັນ ລັດຖະມົນຕີການຕ່າງປະເທດອາເມລິກາກ່າວວ່າ, ກາຕາໄດ້ມີທ່າທີອັນຕັ້ງໜ້າໃນດ້ານຕ້ານການກໍ່ການຮ້າຍ, ຫວັງໃຫ້ 4 ປະເທດຄືອາຣັບບີຊາອຸດິດເປັນຕົ້ນຈົ່ງຍົກເລີກການອັດຕັນຕໍ່ກາຕາໂດຍໄວ.
ມື້ດຽວກັນ, ໃນເວລາພົບປະນັກຂ່າວຮ່ວມກັບທ່ານຢູເຊຟ ອາລາວີ ບິນ ອາບດູລາ ລັດຖະມົນຕີການຕ່າງປະເທດໂອມານທີ່ໄປຢ້ຽມຢາມຢູ່ວໍຊິງຕັງ, ທ່ານຕີເລີຊັນກ່າວວ່າ, ກາຕາໄດ້ຕັ້ງໜ້າຊຸກຍູ້ບົດບັນທຶກຄວາມເຂົ້າໃຈວ່າດ້ວຍການໂຈມຕີ ການສະໜັບສະໜູນລັດທິກໍ່ການຮ້າຍດ້ວຍເງິນທຶນທີ່ອາເມລິກາກັບກາຕາເຊັນໃນຫວ່າງມໍ່ໆນີ້, ໃນຂະນະດຽວກັນ, ກາຕາກໍ່ສະແດງຄວາມປາຖະໜາທີ່ແກ້ໄຂບັນຫາໂດຍຜ່ານການເຈລະຈາກັບ 4 ປະເທດຄືອາຣັບບີຊາອຸດິດເປັນຕົ້ນ.
ທ່ານຕີເລີຊັນກ່າວວ່າ, ການອັດຕັນຂອງ 4 ປະເທດໄດ້ມີຜົນສະທ້ອນທາງລົບຕໍ່ຊີວິດການເປັນຢູ່ຂອງປະຊາຊົນກາຕາ, ຫວັງໃຫ້ 4 ປະເທດຈະສາມາດ ນຳໃຊ້ການເຄື່ອນໄຫວອັນຕັ້ງໜ້າ, ພິຈາລະນາຍົກເລີກການອັດຕັນຕໍ່ກາຕາ.
