ຫວ່າງກ່ອນນີ້ບໍ່ດົນ, ທ່ານອາມັດ ຊິດ, ລັດຖະມົນຕີກະວງຄົມມະນາຄົດເອທີໂອປີກ່າວວ່າ, ເອທີໂອບີພວມພະຍາຍາມສ້າງເປັນສູນກາງເຊື່ອມຕໍ່ທາງການບິນຂອງອາຟຣີກາ, ແລະຫວັງເພີ່ມທະວີການຮ່ວມມືກັບຈີນໃນຂົງເຂດການບິນເພື່ອບັນລຸເປົ້າໝາຍດັ່ງກ່າວ.
ທ່ານຊິດເຫັນວ່າ, ການຮ່ວມມືລະຫວ່າງຈີນກັບເອທີໂອປີໃນຂົງເຂດການບິນຈະເປັນເສົາຄ້ຳທີ່ສຳຄັນຂອງການຮ່ວມມືລະຫວ່າງສອງປະເທດ.
ປັດຈຸບັນ, ຈີນໄດ້ກາຍເປັນຈຸດໝາຍປາຍທາງທີ່ສຳຄັນຂອງບໍລິສັດການບິນເອທີໂອປີໂດຍບໍລິສັດດັ່ງກ່າວໄດ້ເປີດບໍລິການຖ້ຽວບິນໄປກັບລະຫວ່າງປະເທດຕົນຫາປັກກິ່ງ, ຊຽງໄຮ, ກວາງໂຈ່ວ, ເສີງຕູ່ແລະຮົງກົງຂອງຈີນ.
ທ່ານຊິດກ່າວຕື່ມວ່າ, ຈີນພວມພະຍາຍາມພັດທະນາໃຫ້ເປັນສູນຜະລິດເຮືອບິນທີ່ສຳຄັນຂອງໂລກ, ຂະນະທີ່ປະເທດຕົນຫວັງວ່າຈະເປັນລູກຄ້າທີ່ສຳຄັນຂອງເຮືອບິນຈີນໃນອະນາຄົດ.