ກຳປັ່ນບັນທຸກເຮືອບິນພະລັງນິວເຄຼຍຮຸ່ນ "ຟົດ"ຮຸ່ນຫຼ້າສຸດທີ່ມີຊື່ວ່າ "ເຈຣານດ ຟົດ"ຂອງກອງທັບເຮືອອາເມລິກາໄດ້ເຂົ້າປະຈຳການຢູ່ຖານທັບກອງທັບເຮືອນໍໂຟນຄ໌ລັດເວີຈີເນຍສະຫະລັດອາເມລິກາໃນວັນທີ22ກໍລະກົດນີ້.
ກຳປັ່ນບັນທຸກເຮືອບິນ "ຟົດ"ເລີ່ມຜະລິດຢ່າງເປັນທາງການໃນປີ2009, ແລະມອບໃຫ້ກອງທັບເຮືອອາເມລິກາໃນທ້າຍເດືອນພຶດສະພາປີນີ້, ຖືກຖືເປັນກຳປັ່ນບັນທຸກເຮືອບິນທີ່ໃຊ້ເງິນຫຼາຍທີ່ສຸດ ດ້ວຍຄ່າຜະລິດເກືອບ13ຕື້ໂດລາສະຫະລັດ.
ໃນພິທີສະຫຼອງການເຂົ້າປະຈຳການຂອງກຳປັ່ນບັນທຸກເຮືອບິນດັ່ງກ່າວທີ່ຈັດຂຶ້ນໃນມື້ດຽວກັນ, ທ່ານໂດນັນ ທຣຳ ປະທານາທິບໍດີອາເມລິກາຊົມເຊີຍວ່າ "ນີ້ເປັນຜົນສຳເລັດທີ່ຍິ່ງໃຫຍ່", ແລະສັນຍາວ່າຈະຮຽກຮ້ອງໃຫ້ລັດຖະສະພາຮັບຮອງງົບປະມານປ້ອງກັນປະເທດທີ່ຈະເພີ່ມອີກ54ຕື້ໂດລາໃນສົກປີ2018ທີ່ສະເໜີໂດຍທຳນຽບຂາວ, ເພື່ອຮັບປະກັນໃຫ້ກອງທັບອາເມລິກາໄດ້ຮັບງົບປະມານທາງການທະຫານທີ່ຫຼາຍກວ່າເກົ່າ, ໝັ້ນທ່ຽງແລະຄາດໝາຍໄດ້.
ກຳປັ່ນບັນທຸກເຮືອບິນ "ເຈຣານດ໌ ຟົດ"ເປັນກຳປັ່ນບັນທຸກເຮືອບິນຮຸ່ນໃໝ່ລຳທຳອິດທີ່ອາເມລິກາຜະລິດໃນຮອບເກືອບ40ປີຜ່ານມາ, ແລະເປັນກຳປັ່ນບັນທຸກເຮືອບິນທີ່ທັນສະໄໝທີ່ສຸດໃນໂລກປັດຈຸບັນ.