ກອງທັບອີຣັກຢືນຢັນໃນວັນທີ22ກໍລະກົດນີ້ວ່າ, ກອງທັບອາກາດປະເທດຕົນໄດ້ດຳເນີນການໂຈມຕີທາງອາກາດຕໍ່ສອງເມືອງຢູ່ແຂວງອານບາທາງພາກຕາເວັນຕົກຂອງອີຣັກ, ເຮັດໃຫ້ກຸ່ມຫົວຮຸນແຮງ IS ເສຍຊີວິດຫຼາຍສິບຄົນ.
ກອງບັນຊາການຮ່ວມອີຣັກກ່າວໃນຖະແຫຼງການສະບັບໜຶ່ງວ່າ, ອີງຕາມຂໍ້ມູນຈາກອົງການສືບຂ່າວ, ຍົນຮົບຂອງກອງທັບອາກາດອີຣັກໄດ້ໂຈມຕີທາງອາກາດຕໍ່ສອງເມືອງຂອງແຂວງອານບາ, ແລະສາມາດທຳລາຍກອງບັນຊາການແຫ່ງໜຶ່ງ, ສາງອາວຸດ2ແຫ່ງແລະໂຮງງານຜະລິດລົດຍົນລະເບີດແຫ່ງໜຶ່ງຂອງກຸ່ມIS, ທັງສັງຫານສະມຊິກຂອງກຸ່ມດັ່ງກ່າວໄດ້ຫຼາຍສິບຄົນ.
 |
