ເຈົ້າໜ້າທີ່ດ່ານພາສີໜານໜິງເຂດປົກຄອງຕົນເອງເຜົ່າຈ້ວງກວາງຊີເປີດເຜີຍເມື່ອມໍ່ໆນີ້ວ່າ, ນັບແຕ່ເດືອນມັງກອນຫາເດືອນມິຖຸນາປີນີ້, ຍອດມູນຄ່າການຄ້າຂາເຂົ້າຂາອອກເຂດກວາງຊີບັນລຸເຖິງ 178 ຕື້ 600 ລ້ານຢວນ ເພີ່ມຂຶ້ນ 30%, ໃນນັ້ນ ມູນຄ່າການຄ້າຂາເຂົ້າຂາອອກກັບອາຊຽນມີເຖິງ 89 ຕື້ 70 ລ້ານຢວນ ເພີ່ມຂຶ້ນ 10,1% ແລະ ການເຕີບໂຕໄດ້ຂຶ້ນເປັນສອງຕົວເລກຄືນໃໝ່.
ທ່ານກາວຝູຢວນ ຮອງຫົວໜ້າດ່ານພາສີໜານໜິງກ່າວວ່າ, ປີ 2016, ເນື່ອງຈາກບາງຂະແໜງການແລະໃບສັ່ງຈອງສິນຄ້າຍ້າຍໄປຢູ່ປະເທດໃນອາຊີຕາເວັນອອກສຽງໃຕ້ ແລະອາຊີໃຕ້, ຂະແໜງການຕັດຫຍິບແລະເສື້ອຜ້າອາພອນປະເທດອ້ອມຂ້າງໄດ້ເຕີບໃຫຍ່ຂຶ້ນຢ່າງວ່ອງໄວ ແລະຍອດມູນຄ່າການສົ່ງອອກສິນຄ້າໄປຕ່າງປະເທດຂອງເຂດກວາງຊີກໍຫຼຸດລົງ 12,8%. ແນວໃດກໍດີ ສຳລັບຫົກເດືອນຕົ້ນປີນີ້, ໂດຍໄດ້ຮັບຜົນບວກຈາກຄວາມຕ້ອງການພາຍນອກເພີ່ມຂຶ້ນ, ລາຄາແລະປະລິມານນຳເຂົ້າສິນຄ້າງວດໃຫຍ່ເພີ່ມຂຶ້ນ, ການຄ້າປຸງແຕ່ງມີຄຸນນະພາບສູງຂຶ້ນ ແລະອື່ນໆ ຈິ່ງເຮັດໃຫ້ການຄ້າກັບຕ່າງປະເທດຂອງເຂດກວາງຊີເພີ່ມຂຶ້ນຢ່າງວ່ອງໄວ.
 |
