ໂຄງການແລກປ່ຽນວັດທະນະທຳຊາວໜຸ່ມເຍົາວະຊົນຈີນ-ອາຊຽນຄັ້ງທີ 5 ໄຂຂຶ້ນຢູ່ເມືອງກວາງໂຈ່ວແຂວງກວາງຕຸ້ງ
2017-07-25 17:55:55 cri
ໂຄງການແລກປ່ຽນວັດທະນະທຳຊາວໜຸ່ມເຍົາວະຊົນຈີນ-ອາຊຽນຄັ້ງທີ 5 ໄດ້ຈັດຂຶ້ນຢູ່ເມືອງກວາງໂຈ່ວແຂວງກວາງຕຸ້ງ ສປ ຈີນໃນວັນທີ 24 ກໍລະກົດນີ້ ໂດຍຜູ້ຕາງໜ້າຊາວໜຸ່ມເຍົາວະຊົນ 110 ຄົນພ້ອມດ້ວຍຄະນະຜູ້ນຳ ຈາກ 10 ປະເທດໃນອາຊຽນໄດ້ເຂົ້າຮ່ວມພິທີໄຂໃນຕອນຄ່ຳມື້ດັ່ງກ່າວແລະໂຄງການນີ້ຈະດຳເນີນເປັນເວລາ 5 ມື້ ໂດຍສະມາຄົມມິດຕະພາບຕໍ່ຕ່າງປະເທດປະຊາຊົນຈີນ, ສະມາຄົມຈີນ-ອາຊຽນແລະຄະນະກຳມະການວຽກງານພັດທະນາຄົນຮຸ່ນໃໝ່ຂອງຈີນເປັນເຈົ້າພາບຮ່ວມ ແລະຮ່ວມກັນຈັດຂຶ້ນໂດຍພະແນກການຕ່າງປະເທດແຂວງກວາງຕຸ້ງ,ສະມາຄົມມິດຕະພາບຕໍ່ຕ່າງປະເທດປະຊາຊົນແຂວງກວາງຕຸ້ງແລະຄະນະກຳມະການວຽກງານການພັດທະນາຄົນຮຸ່ນໃໝ່ແຂວງກວາງຕຸ້ງ. ໂຄງການດັ່ງກ່າວເນັ້ນເພີ່ມທະວີຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນລະຫວ່າງຊາວໜຸ່ມເຍົາວະຊົນ ຈີນແລະອາຊຽນ ທັງເປັນການສືບທອດແລະພັດທະນາສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງຝ່າຍ,ແລະກໍ່ສ້າງຜູ້ສືບທອດຮຸ່ນໃໝ່ເພື່ອເສີມຂະຫຍາຍນ້ຳໃຈມິດຕະພາບລະຫວ່າງປະຊາຊົນຂອງຈີນແລະອາຊຽນ.