ເພື່ອລະນຶກວັນຄົບຮອບ 80 ປີແຫ່ງການເກີດສົງຄາມທົ່ວປະຊາຊາດຈີນຕໍ່ຕ້ານການຮຸກຮານ, ງານວາງສະແດງຮູບພາບ "ບົດບາດຂອງຈີນໃນສົງຄາມໂລກຄັ້ງທີສອງ" ໄດ້ຈັດຂຶ້ນຢູ່ນະຄອນຫຼວງວໍຊິງຕັນປະເທດອາເມລິກາໃນວັນທີ 24 ກໍລະກົດນີ້.
ກອງທຶນນະໂຍບາຍອາເມລິກາຈີນ ເຊິ່ງເປັນຝ່າຍຈັດງານ ໃຫ້ຮູ້ວ່າ, ໃນງານວາງສະແດງຄັ້ງນີ້ ໄດ້ວາງສະແດງຮູບຖ່າຍປະມານ 50 ໃບ ທີ່ສອງແສງໃຫ້ເຫັນເຖິງຄວາມອົງອາດກ້າຫານຂອງທະຫານແລະປະຊາຊົນຈີນໃນສົງຄາມໂລກຄັ້ງທີສອງ, ທັງໄດ້ສ່ອງແສງໃຫ້ເຫັນເຖິງບົດບາດຂອງອາເມລິກາທີ່ເປັນພັນທະມິດສຳຄັນຂອງຈີນ ແລະປະຫວັດການຕໍ່ຕ້ານຜູ້ຮຸກຮານຍີ່ປຸ່ນຮ່ວມກັນຂອງສອງປະເທດຈີນແລະອາເມລິກາໂດຍກົງຢ່າງມີຊີວິດຊີວາ.
ໃນງານດັ່ງກ່າວ, ຮູບຖ່າຍຊຸດໜຶ່ງກ່ຽວກັບທີມ "Flying Tigers" ຂອງອາເມລິກາສູ້ຮົບຢ່າງຄຽງບ່າຄຽງໄຫຼ່ກັບທະຫານຈີນນັ້ນ ເປັນພາບທີ່ຕິດຕາຜູ້ຊົມທີ່ສຸດ ເຊິ່ງສະແດງໃຫ້ເຫັນວ່າ, ໃນປີ 1941, ທິມ "Flying Tigers" ທີ່ຈັດຕັ້ງຂຶ້ນໂດຍທ່ານ ແຄຣ ລີ ເຈັນນາວ ເປັນນາຍທະຫານເກົ່າທີ່ເຂົ້າຮ່ວມການຕໍ່ຕ້ານຍີ່ປຸ່ນຢູ່ຈີນ. ຫຼັງຈາກນັ້ນ 4 ປີ, ທີມ "Flying Tigers" ໄດ້ຍິງຍົນຍີ່ປຸ່ນຕົກແລະຖືກທຳລາຍ 2600 ລຳ ແລະຍິງກຳປັ່ນສັດຕູຫຼົ້ມ ແລະທຳລາຍ 44 ລຳ.