ວັນທີ 25 ກໍລະກົດນີ້, ໜ່ວຍຊີ້ນຳການກະກຽມການຖອນອອກຈາກອີຢູຂອງອັງກິດ ສະພາເອີຣົບ ແລະທ່ານມີເຊວ ບານີເອີ ຫົວໜ້າຜູ້ແທນເຈລະຈາການຖອນອອກຈາກອີຢູຂອງອັງກິດ ຄະນະກຳມາທິການອີຢູ ໄດ້ອອກຖະແຫຼງການຫຼັງການເຈລະຈາການຖອນອອກຈາກອີຢູຂອງອັງກິດຮອບທີ 2 ວ່າ ການປົກປັກຮັກສາສິດພົນລະເມືອງອີຢູແມ່ນຫົວຂໍ້ຫຼັກ.
ຖະແຫຼງການຊີ້ວ່າ: ຖ້າຢາກໃຫ້ການເຈລະຈາດັ່ງກ່າວບັນລຸການເຊັນສັນຍາຕາມກຳນົດເວລາ, ສອງຝ່າຍກໍຄວນດຳເນີນງານຢ່າງວ່ອງໄວກ່ຽວກັບເນື້ອໃນທີ່ລະອຽດ. ຂະນະທີ່ສະພາເອີຣົບເຫັນວ່າ ອັງກິດແລະອີຢູມີຄວາມຄືບໜ້າຢ່າງໃຫຍ່ຫຼວງໃນຫຼາຍຫົວຂໍ້ ເປັນຕົ້ນ ສິດແລະຜົນປະໂຫຍດຂອງພົນລະເມືອງ, ຄ່າທຳນຽມການຖອນອອກຈາກອີຢູ, ບັນຫາຊາຍແດນອຽກລັງເໜືອ ແລະອື່ນໆ, ທັງນີ້ຖືເປັນເງື່ອນໄຂເບື້ອງຕົ້ນຂອງການເຈລະຈາກ່ຽວກັບການພົວພັນອັງກິດ-ອີຢູລະຫວ່າງສອງຝ່າຍໃນຕໍ່ໜ້າ.
ໃນອາທິດຜ່ານມາ, ການເຈລະຈາການຖອນອອກຈາກອີຢູຂອງອັງກິດຮອບທີ 2 ທີ່ດຳເນີນມາເປັນເວລາ 4 ວັນນັ້ນ ບໍ່ໄດ້ຮັບຄວາມຄືບໜ້າໃນຫົວຂໍ້ສຳຄັນ ໂດຍຕາຕະລາງຄ່າທຳນຽມການຖອນອອກຈາກອີຢູ ແລະ ການຮັບປະກັນສິດຜົນປະໂຫຍດຂອງພົນລະເມືອງ ຍັງຄົງເປັນຈຸດຮ້ອນໃນຄວາມຂັດແຍ້ງກັນລະຫວ່າງອັງກິດແລະອີຢູ.
ແນວໃກກໍດີ, ສອງຝ່າຍກໍໄດ້ກຳນົດຈະເຈລະຈາຮອບທີ 3 ໃນທ້າຍເດືອນໜ້ານີ້.
