ຈາກກໍລະນີທີ່ຍົນຮົບຂອງຈີນສະກັດຍົນສອດແນມຂອງອາເມລິກາຢູ່ນ່ານຟ້າຂອງເຂດທະເລຈີນຕາເວັນອອກ, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວໃນວັນທີ 25 ກໍລະກົດນີ້ໂດຍຊີ້ໃຫ້ເຫັນວ່າ: ກຳປັ່ນແລະຍົນທະຫານຂອງອາເມລິກາໄດ້ເຄື່ອນໄຫວສອດແນມຢູ່ເຂດທະເລໃກ້ພາກພື້ນດິນຂອງຈີນເລື້ອຍໆແລະເປັນໄລຍະຍາວນານ ເຊິ່ງຖືວ່າເປັນການຂົ່ມຂູ່ຕໍ່ຄວາມໝັ້ນຄົງທາງທະເລແລະທາງອາກາດຂອງຈີນຢ່າງໜັກໜ່ວງ. ຈາກນີ້, ຈຶ່ງຮຽກຮ້ອງໃຫ້ອາເມລິກາຈົ່ງຢຸດການສອດແນມໃກ້ເຂດທີ່ກ່ຽວຂ້ອງທັນທີ.
ຂ່າວແຈ້ງວ່າ: ໂຄສົກກະຊວງປ້ອງກັນປະເທດອາເມລິກາກ່າວໃນວັນທີ 24 ກໍລະກົດນີ້ວ່າ: ຍົນຮົບຂອງຈີນສອງລຳໄດ້ສະກັດຍົນສອດແນມຮຸ່ນ EP-3 ຂອງກອງທັບເຮືອອາເມລິກາລຳໜຶ່ງຢູ່ນ່ານຟ້າໃນເຂດທະເລຈີນຕາເວັນອອກເນື່ອງຈາກຖືວ່າເປັນໄພອັນຕະລາຍ ໂດຍໄດ້ບິນເຂົ້າໃກ້ແລະຫ່າງກັນປະມານ 91 ແມັດ.